'ഇന്ത്യ ഖേലോ ഫുട്ബോൾ' ട്രയൽസ് ദുബൈയിലും അജ്​മാനിലും

ദുബൈ: കാൽപന്തു പ്രതിഭകളെ കണ്ടെത്താൻ 'ഇന്ത്യ ഖേലോ ഫുട്ബോൾ' ട്രയൽസ്​ യു.എ.ഇയിൽ. ദുബൈ, അജ്മാൻ എന്നിവിടങ്ങളിലായി ഈ മാസം 20, 21 തിയതികളിലാണ് മത്സരം. ഫുട്ബോൾ പ്രതിഭകളെ കണ്ടെത്തി ഇന്ത്യയിലും പുറത്തും പരിശീലനം നൽകാനാണ്​ പദ്ധതിയെന്ന്​ സംഘാടകർ അറിയിച്ചു.

ദുബൈ, അജ്​മാൻ എന്നിവിടങ്ങളിൽ പ്രതിഭകളെ കണ്ടെത്താനുള്ള മത്സരങ്ങളുടെ ഒരുക്കം പുരോഗമിക്കുകയാണ്​. ഇന്ത്യ ഖേലോ ഫുട്​ബാൾ കൂട്ടായ്​മയും ബ്ലൂ ആരോസും ചേർന്നാണ്​ ഇന്ത്യ ഖേലോ ട്രയൽസ്​ നടത്തുന്നത്​. തിരഞ്ഞെടുക്കപ്പെടുന്ന പ്രതിഭകൾക്ക്​ ഇന്ത്യൻ-വിദേശ ഫുടബോൾ അക്കാദമികളിൽ പരിശീലനം നൽകുമെന്ന്​ ഐ.​കെ.എഫ്​ സ്​ഥാപകൻ ഫാനി ഭൂഷൺ അറിയിച്ചു.

ടാലന്‍റെ ഹണ്ടിന്‍റെ അന്തിമഘട്ടം ഫെബ്രുവരി നാലിന്​ വിവിധ ഫുട്​ബോൾ ക്ലബ്​ പ്രതിനിധികളുടെ സാന്നിധ്യത്തിൽ നടക്കും. ഇന്ത്യൻ ഫുട്​ബാളിന്​ സജീവത പകരുകയാണ്​ ഈ സംരംഭം മുഖേനെ ലക്ഷ്യമിടുന്നതെന്ന്​ സംഘാടകർ അറിയിച്ചു. ഐ.എസ്​.എൽ, ഐലീഗ്​ പോലുള്ള മത്സരങ്ങളുടെ നിലവാരം ഉയർത്താനും പുതിയ ഫുട്​ബോൾ പ്രതിഭകളുടെ വരവിലൂടെ സാധിക്കും.

Summary: 'India Khelo Football' trials in UAE to find football talents