മീഡിയവൺ എജുനെക്സ്റ്റിന് നാളെ തുടക്കമാകും
വൈകുന്നേരം മൂന്ന് മുതൽ അല്‍നഹ്ദ ലാവണ്ടര്‍ ഹോട്ടലിലാണ് ക്യാമ്പ് നടക്കുക
വിദേശത്ത് തുടര്‍പഠനം ആഗ്രഹിക്കുന്ന ഇന്ത്യന്‍ വിദ്യാര്‍ഥികള്‍ക്കായി മീഡിയവണ്‍ ദുബൈയിൽ ഒരുക്കുന്ന എജുനെക്സ്റ്റ് ഗൈഡൻസ് ക്യാമ്പ് നാളെ നടക്കും. വൈകുന്നേരം മൂന്ന് മുതൽ അല്‍നഹ്ദ ലാവണ്ടര്‍ ഹോട്ടലിലാണ് ക്യാമ്പ് നടക്കുക. വിദ്യാഭ്യാസ വിഗദ്ധൻ ദിലീപ് രാധാകൃഷ്ണൻ കൗൺസലിങിന് നേതൃത്വം നൽകും.
ആര്‍ക്കൈസ് സ്റ്റഡി അബ്രോഡ് എന്ന വിദേശപഠന കൺസൾട്ടൻസിയുമായി കൈകോർത്താണ് മീഡിയവൺ എഡു നെക്സ്റ്റ് സംഘടിപ്പിക്കുന്നത്. വിവിധ രാജ്യങ്ങളിലെ വ്യത്യസ്തമായ യൂനിവേഴ്സിറ്റികളിലേക്ക് അവസരമൊരുക്കുന്ന ഇത്തരം ക്യാമ്പുകൾ നിരവധി പേർക്ക് ഉപകാരപ്പെടുമെന്ന് കൗൺസലിങ്ങിന് നേതൃത്വം നൽകുന്ന വിദ്യഭ്യാസ മേഖലാ വിദഗ്ധൻ ദിലീപ് രാധാകൃഷ്ണന്‍ പറഞ്ഞു. ബാച്ച്ലർ പഠനത്തിനും ഉന്നതപഠനത്തിനും ശ്രമിക്കുന്നവർക്ക് ഒരുപോലെ ക്യാമ്പിൽ മാർഗനിർദേശം ലഭ്യമാക്കും. വിദേശപഠനവുമായി ബന്ധപ്പെട്ട് വിദ്യാര്‍ത്ഥികള്‍ക്കും രക്ഷിതാക്കള്‍ക്കും സംശയനിവാരണത്തിന് അവസരമുണ്ടാകും.
Adjust Story Font
16
