ഒ.ടി.ടി പ്ലാറ്റ്​ഫോം മലയാള സിനിമക്കും നടീനടന്മാർക്കും മികച്ച അവസരം ഒരുക്കി:​ സുരഭി ലക്ഷ്മി

തിയറ്ററുകൾക്കു പുറമെ ഒ.ടി.ടി പ്ലാറ്റ്​ ഫോമുകളും സജീവമായത്​ മലയാള സിനിമക്കും ​നടീ നടൻമാർക്കും മികച്ച അവസരം ഒരുക്കിയതായി പ്രമുഖ നടി സുരഭി ലക്ഷ്മി. സ്ത്രീ കലാകാരികൾ മലയാള സിനിമയിൽ ശക്തമായ സാന്നിധ്യമായി മാറിയെന്നും അവർ പറഞ്ഞു. ദുബൈ അൽഹിന്ദ്​ ബിസിനസ്​ സെൻററിൽ യു.എ.ഇ ഗോൾഡൻ വിസ സ്വീകരിച്ച ശേഷം മാധ്യമ പ്രവർത്തകരോട്​ സംസാരിക്കുകയായിരുന്നു നടി സുരഭി ലക്ഷ്​മി.

പുതിയ സ​ങ്കേതങ്ങളും സൗകര്യങ്ങളും വർധിച്ചതോടെ വിനോദ മേഖലയിൽ പ്രവർത്തിക്കുന്ന അസംഖ്യം പേർക്കാണ്​ കൂടുതൽ അവസരം ലഭിക്കുന്നതെന്ന്​ സുരഭി ലക്ഷ്​മി പറഞ്ഞു. ടൊവീനോ നായകനായ ചിത്രത്തിന്റെ ഷൂട്ടിങ്​ പുരോഗമിക്കുന്നതായും സുരഭി അറിയിച്ചു

ദുബൈ ഖിസൈസിലെ അൽഹിന്ദ് ബിസിനസ് സെന്ററിൽ നടി സുരഭി ലക്ഷ്​മിക്ക്​ സ്വീകരണം ഒരുക്കി. സി ഇ ഓ റസീബ് അബ്ദുല്ല , അൽ ഹിന്ദ് മാനേജിങ് ഡയറക്റ്റർ നൗഷാദ് ഹസൻ എന്നിവരുടെ മേൽനോട്ടത്തിൽ ആയിരുന്നു സ്വീകരണം. ലോകത്തെവിടെനിന്നും ഫാമിലി വിസയും, വിസിറ്റ് വിസയും മറ്റു സേവനങ്ങളും ലഭിക്കാൻ വാട്ട്​സ്​ആപ്പിലൂടെ ബന്ധപ്പെടാൻ സൗകര്യം ഒരുക്കുന്ന അൽഹിന്ദ്​ ബിസിനസ്​ സെന്ററിന്റെ ഫാൽക്കൺ വാട്സാപ്പ് സർവീസ്​ ലോഞ്ചിങ്​ സുരഭി ലക്ഷ്മി നിർവഹിച്ചു.

യു.എ.ഇ ഗോൾഡൻ വിസ സുരഭി ലക്ഷ്​മി സ്വീകരിച്ചു. മലയാള സിനിമാ പ്രതിഭകളെ യു.എ.ഇയുമായി ബന്​ധിപ്പിക്കാൻ നീക്കം തുടരുമെന്ന്​ അൽഹിന്ദ്​ ബിസിനസ്​ സെൻറർ സാരഥികൾ അറിയിച്ചു