അക്വ അറബിന്‍റെ ആറാമത്​ ബ്രാഞ്ച്​ ദുബൈയിൽ പ്രവർത്തനമാരംഭിച്ചു

ദുബൈ: അക്വ അറബ്​ ട്രേഡിങ്​ കമ്പനിയുടെ ആറാമത്​ ബ്രാഞ്ച്​ ദുബൈയിൽ പ്രവർത്തനമാരംഭിച്ചു. വിവിധ തരം ഉൽപന്നങ്ങളുടെ യു.എ.ഇയിലെ അംഗീകൃത വിതരണക്കാർ കൂടിയാണ്​ അക്വ അറബ്​ ട്രേഡിങ്​ കമ്പനി. ഇരുപത്​ വർഷമായി വിപണിയിൽ സജീവമാണ്​ കമ്പനി.

ദുബൈ അൽഖൂസ്​ ഇൻഡസ്​ട്രിയൽ ഏരിയ നാലിൽ ആണ്​ അക്വ അറബ്​ ട്രേഡിങ്​ കമ്പനിയുടെ പുതിയ ബ്രാഞ്ച്​ പ്രവർത്തനം തുടങ്ങിയത്​. ലുലു ഗ്രൂപ്പ്​ ഇൻറർനാഷനൽ സി.ഒ.ഒ വി.ഐ സലീം ഉദ്​ഘാടനം നിർവഹിച്ചു. കമ്പനിയുടെ ആറാമത്​ ബ്രാഞ്ചാണിത്​. ഹുസൈൻ ആൽ ഹാഷ്​മി ഉൾപ്പെടെ നിരവധി പ്രമുഖർ ഉദ്​ഘാടന ചടങ്ങിൽ സന്നിഹിതരായിരുന്നു. പ്ലമ്പിങ്​, സാനിറ്ററി, ഇലക്​ട്രിക്കൽ, ഹാർഡ്​വെയർ മേഖലകളിലെ ഉൽപന്ന വിതരണ രംഗത്ത്​ ശ്രദ്ധേയ സ്​ഥാപനം കൂടിയാണ്​ അക്വ അറബ്​ ട്രേഡിങ്​ കമ്പനി.

അരിസ്​റ്റോൺ വാട്ടർഹീറ്റർ, ഗ്രോഹെ, റാക്​ തെർമൽ പൈപ്പിങ്​ സൊലൂഷൻസ്​, ഹെപ്​വർത്ത്​, എസ്​പ പമ്പുകൾ, ഗ്രൻറ്​ഫോസ്​ പമ്പുകൾ, കോസ്​മോപ്ലാസ്​റ്റ്​, ടെറയിൻ പെപ്പുകൾ, പെഗ്ലർ എന്നിവയുടെ അംഗീകൃത വിതരണക്കാർ കൂടിയാണ്​ അക്വ അറബ്​ ട്രേഡിങ്​ കമ്പനി. ദുബൈക്കു പുറമെ ഷാർജ, അജ്​മാൻ എന്നിവിടങ്ങളിലുമായാണ്​ കമ്പനി ബ്രാഞ്ചുകൾ പ്രവർത്തിക്കുന്നത്​.

Summary: The sixth branch of Aqua Arab Trading Company has started operations in Dubai