ടയർ സുരക്ഷാ കാമ്പയിൻ തുടങ്ങി; ബോധവത്കരണവുമായി പൊലീസ്

വേനൽകാലത്ത് വാഹനങ്ങളുടെ ടയർ സുരക്ഷ ഉറപ്പാക്കാൻ അബൂദബി പൊലീസ് ബോധവൽകരണ കാമ്പയിൻ ആരംഭിച്ചു. വിവിധ സ്ഥാപനങ്ങളുടെ സഹകരണത്തോടെയാണ് പൊലീസിന്റെ ബോധവൽകരണം.

സുരക്ഷിതമല്ലെന്ന് ടയറുകൾ തന്നെ നൽകുന്ന സൂചനകൾ ശ്രദ്ധിക്കണമെന്നും, കൃത്യമായ അളവിൽ കാറ്റ് നിറച്ചും, ഇടവേളകളിൽ ടയറുകൾ മാറ്റിയും സുരക്ഷ ഉറപ്പാക്കണമെന്നും പൊലീസ് ഡ്രൈവർമാർക്ക് മുന്നറിയിപ്പ് നൽകുന്നുണ്ട്. ഇതുസംബന്ധിച്ച ലഘുലേഖകളും പൊലീസ് വിതരണം ചെയ്തു.