ഗുണനിലവാരമുള്ള വിദ്യാഭ്യാസം ലഭ്യമാക്കുന്നതിൽ യു.എ.ഇക്ക് ലോകോത്തര നിലവാരം
സുസ്ഥിര വികസന കാഴ്ചപ്പാടിൽ ഊന്നിയാണ് യു.എ.ഇ വിദ്യാഭ്യാസരംഗത്ത് മികച്ച സൗകര്യങ്ങൾ ഏർപ്പെടുത്തിയിരിക്കുന്നത്.
ഗുണനിലവാരമുള്ള വിദ്യാഭ്യാസം ലഭ്യമാക്കുന്നതിൽ യു.എ.ഇക്ക് ലോകോത്തര നിലവാരം. അന്താരാഷ്ട്ര തലത്തിലെ പഠനങ്ങളിലെ വിവിധ സൂചികകളിൽ ആഗോള തലത്തിൽ ഒന്നാമതാണ് യു എ ഇ. സുസ്ഥിര വികസന കാഴ്ചപ്പാടിൽ ഊന്നിയാണ് യു.എ.ഇ വിദ്യാഭ്യാസരംഗത്ത് മികച്ച സൗകര്യങ്ങൾ ഏർപ്പെടുത്തിയിരിക്കുന്നത്.
എല്ലാവരെയും ഉൾക്കൊള്ളുന്ന ഗുണനിലവാരമുള്ള വിദ്യാഭ്യാസം ഉറപ്പുനൽകുകയും എല്ലാവർക്കും ആജീവനാന്ത പഠനാവസരങ്ങൾ പ്രോത്സാഹിപ്പിക്കുകയും ചെയ്യുന്നതിൽ യു.എ.ഇ മുന്നിലാണെന്ന് ഫെഡറൽ കോമ്പിറ്റേറ്റിവ്നസ് ആൻഡ് സ്റ്റാറ്റിസ്റ്റിക്സ് സെൻറർ വ്യക്തമാക്കുന്നു.
വേൾഡ് ഇക്കണോമിക്ഫോറം പ്രസിദ്ധീകരിച്ച ഗ്ലോബൽ ജെൻഡർ ഗ്യാപ് റിപ്പോർട്ടിൽ പ്രാഥമിക വിദ്യാഭ്യാസ പ്രവേശനത്തിലും സാക്ഷരയിലും ലോകത്തെ ഏറ്റവും മുന്നിൽനിൽകുന്ന രാജ്യമാണ് യു.എ.ഇ. ഐ.എം.ഡി പ്രസിദ്ധീകരിച്ച റിപ്പോർട്ടിൽ അന്താരാഷ്ട്ര വിദ്യാർഥികളുടെ വരവിൽ ഒന്നാം സ്ഥാനമാണ് യു.എ.ഇക്കുള്ളത്.
Adjust Story Font
16
