പഞ്ചാബിൽ 32 ആം ആദ്മി എംഎൽഎമാർ കോൺഗ്രസിൽ ചേരുമെന്ന്​ അവകാശവാദം; മറുപടിയുമായി ആപ്​

ന്യൂഡൽഹി: പഞ്ചാബിലെ ഭരണകക്ഷിയായ ആം ആദ്മി പാർട്ടിയിലെ 32 എംഎൽഎമാർ തങ്ങളുമായി ബന്ധപ്പെട്ടിട്ടുണ്ടെന്ന് കോൺഗ്രസ് നേതാവും പ്രതിപക്ഷ നേതാവുമായ പർതാപ് സിങ്​ ബജ്‌വ. ‘ആം ആദ്മി പാർട്ടിയിൽനിന്നുള്ള 32 എംഎൽഎമാർ കോൺഗ്രസിൽ ചേരാനായി ബന്ധപ്പെട്ടിട്ടുണ്ട്​. അവരുടെ പേര്​ വിവരങ്ങൾ വെളിപ്പെടുത്താൻ ഇത്​ ശരിയായ സമയമല്ല. ശരിയായ സമയത്ത്​ അവ പുറത്തുവിടും’ -ബജ്​വ പറഞ്ഞു.

മുഖ്യമന്ത്രി ഭഗവന്ത്​ മാൻ ബിജെപിയുമായി ബന്ധപ്പെട്ടിട്ടുണ്ടെന്നും ബജ്​വ ​അവകാശപ്പെട്ടു. കെജ്​രിവാൾ അദ്ദേഹത്തെ മുഖ്യമന്ത്രി സ്​ഥാനത്തുനിന്ന്​ നീക്കാൻ ​ശ്രമിച്ചാൽ അദ്ദേഹം ബാഗുമെടുത്ത്​ ബിജെപിയിൽ ചേരും. ത​െൻറ 45 വർഷത്തെ രാഷ്​ട്രീയ ജീവിതത്തിൽ ഇതുവരെ തെറ്റായ പ്രസ്​താവന നടത്തിയിട്ടില്ല. ഈ സർക്കാരിനെ അട്ടിമറിക്കാൻ കോൺഗ്രസിന്​ ഉദ്ദേശമില്ലെന്ന്​ നേരത്തെ തന്നെ പറഞ്ഞതാണെന്നും ബജ്​വ വ്യക്​തമാക്കി.

എന്നാൽ, ബജ്​വക്കെതിരെ ആം ആദ്​മി പാർട്ടി രംഗത്തുവന്നു. കോൺഗ്രസ്​ നേതാവ്​ കിംവദന്തികൾ പ്രചരിപ്പിക്കുകയാണെന്നും നിസ്സാരമായ പ്രസ്​താവനകളിൽ മുഴുകുകയാണെന്നും പഞ്ചാബ്​ യൂനിറ്റ്​ അധ്യക്ഷൻ അമൻ അറോറ പറഞ്ഞു. സ്വന്തം എംഎൽഎമാർ എവിടെയാണെന്ന്​ പോലും ബജ്​വക്ക്​ അറിയില്ല. സന്ദീപ്​ ജാഖർ ബിജെപിയിലേക്ക്​ പോയി. എന്നിട്ടും സർക്കാരിനെ മറിച്ചി​ടിനെ കുറിച്ചാണ്​ സംസാരിക്കുന്നത്​. അദ്ദേഹത്തി​െൻറ അവകാശങ്ങൾ ചിരിപ്പിക്കുന്നതും അടിസ്​ഥാന രഹിതവുമാണെന്നും അറോറ പറഞ്ഞു.

ആം ആദ്​മി പാർട്ടിക്ക്​ നിലവിൽ 94 എംഎൽഎമാരുണ്ട്​. ഇതിൽനിന്ന്​ 32 പേർ പോയാലും 62 പേർ ബാക്കിയുണ്ടാകും. കേവല ഭൂരിപക്ഷത്തിന്​ അത്​ ധാരാളമാണ്​. ബജ്​വയുടെ കോൺഗ്രസിന്​ 15 എംഎൽഎമാരാണുള്ളത്​. 32 പേർ കൂടി വന്നാലും സർക്കാർ രൂപീകരിക്കാൻ സാധിക്കില്ല -അറോറ വ്യക്​തമാക്കി.

കോൺഗ്രസ്​ നേതാവ്​ പ്രതാപ്​ ബജ്​വ ബിജെപിയുമായി ഇതിനകം മുൻകൂർ ബുക്കിങ്​ നടത്തിയിട്ടുണ്ട്​. ബംഗളൂരുവിൽ അദ്ദേഹം മുതിർന്ന ബിജെപി നേതാക്കളെ കണ്ടതിനെക്കുറിച്ച്​ രാഹുൽ ഗാന്ധി ചോദ്യം ചെയ്യണമെന്നും അറോറ ആവശ്യപ്പെട്ടു.