പ്രതിപക്ഷ പ്രതിഷേധം; ഇരുസഭകളും നിര്‍ത്തിവച്ചു

ഡൽ​​ഹി: ഭരണ പ്രതിപക്ഷ പ്രതിഷേധത്തെ തുടർന്ന് ഇരുസഭകളും നിര്‍ത്തിവച്ചു. ലോക്സഭ 12 മണിവരെയും രാജ്യസഭയും 2 മണി വരെ നിർത്തിവച്ചു. മണിപ്പൂർ വിഷയം ചർച്ചചെയ്യണമെന്ന് ആവശ്യപ്പെട്ട് പ്രതിപക്ഷവും രാജസ്ഥാനിൽ സ്ത്രീകൾക്കെതിരായ അതിക്രമങ്ങൾക്കെതിരെ ചർച്ച വേണമെന്ന് ആവശ്യപ്പെട്ട് ഭരണപക്ഷവും പ്രതിഷേധിച്ചു. പല ബില്ലുകളും വേ​ഗത്തിൽ പാസാക്കി എടുക്കാൻ തന്നെയാണ് കേന്ദ്രസർക്കാർ തീരുമാനിച്ചിരിക്കുന്നത്. ശബ്ദവോട്ടോടെയാണ് ബില്ലുകൾ പാസാക്കി എടുക്കുന്നത്. ഈ കാര്യത്തിലും വലിയ പ്രതിക്ഷേധം തന്നെ പാര്‍ലമെന്റില്‍ നടന്നു.