നൂറാം പിറന്നാള്‍ നിറവില്‍ ഫിലിപ്പോസ് മാര്‍ ക്രിസോസ്റ്റം
നൂറാം പിറന്നാള്‍ നിറവില്‍ ഫിലിപ്പോസ് മാര്‍ ക്രിസോസ്റ്റം
ഡോ. ഫിലിപ്പോസ് മാര്‍ ക്രിസോസ്റ്റമിന്റെ നൂറാം പിറന്നാള്‍ ആഘോഷം കൊച്ചിയില്‍ നടന്നു.
ഡോ. ഫിലിപ്പോസ് മാര്‍ ക്രിസോസ്റ്റമിന്റെ നൂറാം പിറന്നാള്‍ ആഘോഷം കൊച്ചിയില്‍ നടന്നു. ചടങ്ങില്‍ സിനിമാ നടന്‍ മമ്മൂട്ടി മുഖ്യാതിഥി ആയിരുന്നു. കെയര്‍ ആന്റ് ഷെയര്‍ ഇന്റര്‍ നാഷണല്‍ ഫൌണ്ടേഷന്റെ നേതൃത്വത്തിലാണ് പിറന്നാള്‍ ആഘോഷം നടന്നത്.
സിനിമാ നടന്‍ മമ്മൂട്ടിയും ഫിലിപ്പോസ് മാര്‍ ക്രിസോസ്റ്റമും ചേര്‍ന്ന് കേക്ക് മുറിച്ചാണ് ജന്മദിനാഘോഷത്തിന് തുടക്കം കുറിച്ചത്. സ്വതസിദ്ധമായ ശൈലിയിലായില്‍ സദസിനെ ചിരിപ്പിച്ചുകൊണ്ടായിരുന്നു ക്രിസോസ്റ്റമിന്റെ പ്രസംഗം. മറ്റുള്ളവരുടെ ആവശ്യങ്ങള്‍ തന്റെ ആവശ്യങ്ങളായി കാണുന്ന ഒരു ലോകം നമുക്ക് സൃഷ്ടിക്കാമെന്ന് ക്രിസോസ്റ്റം പറഞ്ഞു. ഇനിയും ഒരുപാട് ജന്മദിനങ്ങള്‍ അദ്ദേഹത്തിനുണ്ടാവട്ടെ എന്ന് മുഖ്യാതിഥിയായ സിനിമാ നടന്‍ മമ്മൂട്ടി പറഞ്ഞു.
കെയര്‍ ആന്റ് ഷെയര്‍ ഇന്റര്‍ നാഷണല്‍ ഫൌണ്ടേഷന്‍ ജന്മദിന സമ്മാനമായി മൂന്ന് ക്ഷേമ പദ്ധതികളാണ് നല്‍കിയത്. ആദിവാസികള്‍ക്ക് വേണ്ടി നേത്രചികിത്സാ കാമ്പുകള്‍, 100 പേര്‍ക്ക് സൌജന്യ ചികിത്സ, പ്രായഭേദമന്യേയുള്ള ശസ്ത്രക്രിയ എന്നിവയാണ് ആ ക്ഷേമ പദ്ധതികള്‍.
Adjust Story Font
16
