പേരിടൽ ചടങ്ങിൽ തർക്കം; കുമ്പളങ്ങിയിൽ യുവാവിനെ കുത്തിക്കൊന്നു

എറണാകുളം: കുമ്പളങ്ങിയിൽ യുവാവിനെ കുത്തിക്കൊന്നു. അനിൽകുമാർ (32) ആണ് മരിച്ചത് . പേരിടൽ ചടങ്ങുമായി ബന്ധപ്പെട്ടുണ്ടായ തർക്കമാണ് കൊലപാതകത്തിൽ കലാശിച്ചത്. സംഭവത്തിൽ ജിതിൻ എന്നയാളെ പൊലീസ് കസ്റ്റഡിയിലെടുത്തു.

Also Read:സുബഹി നമസ്‌കാരത്തിനിടെ ഇമാമിനെ കത്തികൊണ്ട് കുത്തി; അക്രമി അറസ്റ്റിൽ

ഞായറാഴ്ച നടന്ന പേരിടൽ ചടങ്ങിൽ തർക്കമുണ്ടാകുകയും നാട്ടുകാർ ഇടപെട്ട് പ്രശ്നം പരിഹരിക്കുകയായിരുന്നു. എന്നാൽ രാത്രി 12 മണിയോടെ പഞ്ചായത്ത് ഗ്രൌണ്ട് പരിസരത്ത് വച്ച് ഇരുകൂട്ടരും തമ്മിൽ വീണ്ടും തർക്കമുണ്ടായതിനെ തുടർന്നാണ് അനിലിന് കുത്തേറ്റത്.