പി. ജയരാജന്റെ പുസ്തക പ്രകാശനത്തിനിടെ പ്രതിഷേധം; 30 പിഡിപി പ്രവർത്തകർക്കെതിരെ കേസ്

കോഴിക്കോട്: പി. ജയരാജന്റെ പുസ്തക പ്രകാശനത്തിനിടെ പ്രതിഷേധിച്ചതിൽ 30 പിഡിപി പ്രവർത്തകർക്കെതിരെ കേസ്. നിയമവിരുദ്ധമായി സംഘം ചേരൽ, ഗതാഗത തടസ്സമുണ്ടാക്കൽ തുടങ്ങിയ കുറ്റകൃത്യങ്ങൾക്കാണ് കേസെടുത്തത്.

പി. ജയരാജന്റെ 'കേരളം: മുസ്‌ലിം രാഷ്ട്രീയം, രാഷ്ട്രീയ ഇസ്‌ലാം' എന്ന പുസ്തകം പ്രകാശനം ചെയ്യുന്നതിനിടെയാണ് ഹാളിന് പുറത്ത് പിഡിപി പ്രവർത്തകർ പ്രതിഷേധിച്ചത്. പുസ്തകത്തിൽ അബ്ദുന്നാസർ മഅ്ദനിയുടെ ആദ്യാകല പ്രസംഗങ്ങൾ മുസ്‌ലിം ചെറുപ്പക്കാരെ തീവ്രവാദത്തിലേക്ക് ആകർഷിച്ചുവെന്നതടക്കമുള്ള പരാമർശങ്ങൾ ഉണ്ട്. ഇതിനെതിരെയാണ് പിഡിപി പ്രവർത്തകർ പുസ്തകം കത്തിച്ച് പ്രതിഷേധിച്ചത്.