ക​ത്തോ​ലി​ക്കാ​ സ​ഭ​യു​ടെ പേ​രു പ​റ​ഞ്ഞ് വ​ർ​ഗീ​യ​ത​യു​ടെ വി​ഷം വി​ള​മ്പാ​ൻ ആ​രും ഇ​ല​യി​ടേണ്ട; വിമര്‍ശനവുമായി ദീപിക മുഖപ്രസംഗം

കോട്ടയം: കത്തോലിക്കാ സഭയുടെ പേരുപറഞ്ഞ് തീവ്രവര്‍ഗീയ നിലപാട് സ്വീകരിക്കാന്‍ ആരെയും അനുവദിക്കില്ലെന്ന് ദീപിക എഡിറ്റോറിയല്‍. സ്വന്തം മതമൗലിക വാദത്തെ ഓമനിച്ച് മറ്റ് മതങ്ങളുടെ തീവ്ര-വര്‍ഗീയവാദത്തെ പ്രതിരോധിക്കുന്ന ത് കാപട്യമാണ്. ഇത് കേരളം ഏറ്റെടുക്കില്ലെന്നും മുഖപ്രസംഗത്തിൽ പറയുന്നു.

ക​ത്തോ​ലി​ക്കാ​ സ​ഭ​യു​ടെ പേ​രു പ​റ​ഞ്ഞ് വ​ർ​ഗീ​യ​ത​യു​ടെ വി​ഷം വി​ള​മ്പാ​ൻ ആ​രും ഇ​ല​യി​ടേണ്ട. കൃ​ത്യ​മാ​യി പ​റ​ഞ്ഞാ​ൽ ആ​ഗോ​ള ഇ​സ്‌​ലാ​മി​ക തീ​വ്ര​വാ​ദ​ത്തെ​യും ഹി​ന്ദു​ വ​ർ​ഗീ​യ​വാ​ദ​ത്തെ​യും ന്യൂ​ന​പ​ക്ഷ​ വി​രു​ദ്ധ​ത​യെ​യും അ​ഹിം​സാ​മാ​ർ​ഗ​ങ്ങ​ളി​ലൂ​ടെ എ​തി​ർ​ത്തി​ട്ടു​ള്ള ക​ത്തോ​ലി​ക്കാ​ സ​ഭ സ്വ​ന്തം ചെ​ല​വി​ൽ ഒ​രു വ​ർ​ഗീ​യപ്ര​സ്ഥാ​ന​ത്തെ​യും വ​ള​ർ​ത്തി​യെ​ടു​ക്കി​ല്ല. മ​ത​ത്തെ​യ​ല്ല, തീ​വ്ര​വാ​ദ​ത്തെ​യാ​ണ് നാം ​ചെ​റു​ക്കു​ന്ന​ത്.

ലോ​ക​ത്തെ​വി​ടെ​യാ​യാ​ലും സ്വ​ന്തം മ​ത​ത്തി​നു​വേ​ണ്ടി മാ​ത്രം ഇ​ര​വേ​ഷം കെ​ട്ടി​യാ​ടി ബാ​ക്കി​യെ​ല്ലാ​യി​ട​ത്തും സ​മാ​ധാ​ന​ത്തി​ന്‍റെ ക​ഴു​ത്ത​റ​ക്കു​ന്ന​വ​രെ​യും, അ​വ​രെ മാ​ത്രം ചൂ​ണ്ടി​ക്കാ​ണി​ച്ച് സ​മു​ദാ​യ​സ്നേ​ഹ​ത്തി​ന്‍റെ വീ​ഞ്ഞെ​ന്ന വ്യാ​ജേ​ന ഇ​ത​ര മ​ത​വി​ദ്വേ​ഷ​ത്തി​ന്‍റെ പാ​ന​പാ​ത്ര​വു​മാ​യെ​ത്തു​ന്ന​വ​രെ​യും, സ്വ​ന്തം മ​ത​ത്തി​ൽ പെ​ടാ​ത്ത സ​ഹ​പൗ​ര​ന്മാ​രെ ര​ണ്ടാം ത​ര​ക്കാ​രാ​യി വി​ചാ​രി​ക്കു​ന്ന ഹിം​സ​യു​ടെ ധാ​ര​ക​ളെ ത​ള്ളി​പ്പ​റ​യാ​തെ മ​തേ​ത​ര ജ​നാ​ധി​പ​ത്യ​ത്തെ മ​ത​വേ​ഷം കെ​ട്ടി​ക്കാ​ൻ ശ്ര​മി​ക്കു​ന്ന​വ​രെ​യും നാം ​തി​രി​ച്ച​റി​യേ​ണ്ട​തു​ണ്ട്. ന​മ്മ​ളൊ​ന്നാ​ണ്.

മ​ത​മേ​താ​യാ​ലും പ്ര​ശ്ന​മി​ല്ല; പ്ര​ധാ​ന വി​ഷ​യ​ങ്ങ​ളൊ​ന്നും ച​ർ​ച്ച ചെ​യ്യ​പ്പെ​ടാ​തി​രി​ക്കാ​നു​ള്ള ഈ ​തെ​രു​വു​നാ​ട​ക​ങ്ങ​ളി​ലെ അ​ഭി​നേ​താ​ക്ക​ളെ തി​രി​ച്ച​റി​യാ​ൻ വൈ​കി​യാ​ൽ കേ​ര​ള​വും വ​ലി​യ വി​ല കൊ​ടു​ക്കേ​ണ്ടി​വ​രും. ക​ത്തോ​ലി​ക്കാ സ​ഭ​യു​ടെ പേ​രു പ​റ​ഞ്ഞ് വ​ർ​ഗീ​യ​ത​യു​ടെ വി​ഷം വി​ളമ്പാ​ൻ ആ​രും ഇ​ല​യി​ടേ​ണ്ട. കൃ​ത്യ​മാ​യി പ​റ​ഞ്ഞാ​ൽ, ആ​ഗോ​ള ഇ​സ്‌​ലാ​മി​ക തീ​വ്ര​വാ​ദ​ത്തെ​യും ഹി​ന്ദു വ​ർ​ഗീ​യ​വാ​ദ​ത്തെ​യും ന്യൂ​ന​പ​ക്ഷ വി​രു​ദ്ധ​ത​യെ​യും അ​ഹിം​സാ​മാ​ർ​ഗ​ങ്ങ​ളി​ലൂ​ടെ എ​തി​ർ​ത്തി​ട്ടു​ള്ള ക​ത്തോ​ലി​ക്കാ സ​ഭ സ്വ​ന്തം ചെ​ല​വി​ൽ ഒ​രു വ​ർ​ഗീ​യ​പ്ര​സ്ഥാ​ന​ത്തെ​യും വ​ള​ർ​ത്തി​യെ​ടു​ക്കി​ല്ല. മ​ത​ത്തെ​യ​ല്ല, തീ​വ്ര​വാ​ദ​ത്തെ​യാ​ണ് നാം ​ചെ​റു​ക്കു​ന്ന​ത്.

വി​ശ്വാ​സി​ക​ളോ​ട​ല്ല, വ​ർ​ഗീ​യ​വാ​ദി​ക​ളോ​ടാ​ണ് നാം "​മാ നി​ഷാ​ദ' എ​ന്നു പ​റ​യു​ന്ന​ത്. ക്രൈ​സ്ത​വ​രെ ര​ക്ഷി​ക്കാ​നെ​ന്ന മു​ഖം​മൂ​ടി​യി​ട്ട് ഇ​ത​ര മ​ത​സ്ഥ​രെ അ​വ​ഹേ​ളി​ക്കു​ന്ന ക്രി​സ്ത്യ​ൻ നാ​മ​ധാ​രി​ക​ൾ ആ​രാ​യാ​ലും സ​ഭ​യു​ടെ തോ​ളി​ലി​രു​ന്നു ചെ​വി തി​ന്നേ​ണ്ട. അ​ന്ത്യ​ത്താ​ഴ​വേ​ള​യി​ൽ ക്രി​സ്തു കാ​സ​യി​ലെ​ടു​ത്തു കൊ​ടു​ത്ത​ത് സ്വ​ന്തം ര​ക്ത​മാ​ണ്, അ​പ​ര​ന്‍റെ​യ​ല്ല. അ​തു തി​രി​ച്ച​റി​യാ​ത്ത​വ​ർ ആ​രാ​യാ​ലും ബ​ലി​വ​സ്തു പീ​ഠ​ത്തി​ൽ വ​ച്ചി​ട്ട് ക്രി​സ്തു​വി​നെ​യും ത​ന്നെ​ത്ത​ന്നെ​യും തി​രി​ച്ച​റി​ഞ്ഞി​ട്ടു വേ​ണം ബ​ലി​യ​ർ​പ്പി​ക്കാ​ൻ...ദീപിക മുഖപ്രസംഗത്തില്‍ പറയുന്നു.

നാ​ളെ​യും ന​മ്മു​ടെ മ​ക്ക​ൾ കൈ​കോ​ർ​ത്തു വേ​ണം പ​ള്ളി​ക്കൂ​ട​ങ്ങ​ളി​ലേ​ക്കു പോ​കാ​ൻ. മ​ത​മേ​ത് എ​ന്ന​ല്ല, കു​ഞ്ഞു​ങ്ങ​ൾ പ​ര​സ്പ​രം ചോ​ദി​ക്കേ​ണ്ട​ത്, വി​ശ​ക്കു​ന്നു​ണ്ടോ​യെ​ന്നാ​ണ്. വി​ദ്വേ​ഷ​ത്തി​ന്‍റെ അ​ട​ക്കം​പ​റ​ച്ചി​ലു​പേ​ക്ഷി​ച്ച് അ​വ​ർ സ്നേ​ഹ​ത്തി​ന്‍റെ സം​ഘ​ഗാ​ന​ങ്ങ​ൾ പാ​ട​ട്ടെ. ക്ഷേ​ത്ര​ങ്ങ​ളും മോ​സ്കു​ക​ളും പ​ള്ളി​ക​ളും പു​തി​യൊ​രു ഉ​ണ​ർ​ത്തു​പാ​ട്ടി​ന്‍റെ വ​രി​ക​ളെ​ഴു​ത​ട്ടെ. ഗോ​ത്ര​കാ​ല​ങ്ങ​ളി​ലെ അ​ക്ര​മോ​ത്സു​ക​വും പൈ​ശാ​ചി​ക​വു​മാ​യ ഭ്ര​മ​യു​ഗ​ങ്ങ​ളി​ലേ​ക്ക് തി​രി​ച്ചു​ന​ട​ക്കി​ല്ലെ​ന്നു ന​മു​ക്കു പ്ര​തി​ജ്ഞ​യെ​ടു​ക്കാ​ൻ ഇ​താ​ണു സ​മ​യം..മുഖപ്രസംഗം ചൂണ്ടിക്കാട്ടുന്നു.