കൊച്ചിയിൽ അമ്മയെയും മകളെയും വീട് കയറി ആക്രമിച്ചു

കൊച്ചി: കൊച്ചിയിൽ എട്ടംഗ സംഘം അമ്മയെയും മകളെയും വീട് കയറി ആക്രമിച്ചു. എടവനക്കാട് സ്വദേശിയായ ലത, മകൾ ആദിത്യ എന്നിവർക്കാണ് മർദനമേറ്റത്. ഗുരുതരമായി പരിക്കേറ്റ ലതയെ കളമശ്ശേരി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

കുടുംബ പ്രശ്നത്തെ തുടർന്നാണ് എട്ടം​ഗ സംഘം ഇരുവരെയും ആക്രമിച്ചത്. ഇന്നലെ വൈകുന്നേരമാണ് സ്ത്രീകളും യുവാക്കളും ഉൾപ്പെടുന്ന സം​ഘം ലതയും മകൾ ആദിത്യയും താമസിക്കുന്ന വീട്ടിലേക്ക് എത്തിയത്. തുടർന്ന് വാക്കേറ്റമുണ്ടാവുകയും ഇരുമ്പ് കമ്പിയടക്കമുപയോ​ഗിച്ച് ഇരുവരെയും മർദിക്കുകയായിരുന്നു.

ലതയുടെ ഭർത്താവിന്റെ ബന്ധുക്കളാണ് ഇരുവരെയും ആക്രമിച്ചത് എന്ന് പൊലീസ് പറഞ്ഞു.