'ദ കേരള സ്‌റ്റോറി' നിരോധിക്കണം: കാന്തപുരം

കണ്ണൂർ: 'ദ കേരള സ്റ്റോറി' സിനിമ നിരോധിക്കണമെന്ന് കാന്തപുരം എ.പി അബൂബക്കർ മുസ്‌ലിയാർ. ഈ സിനിമ മതസൗഹാർദം തകർക്കുകയും മനുഷ്യർക്കിടയിൽ ഭിന്നിപ്പുണ്ടാക്കുകയും ചെയ്യും. സിനിമയുടെ പ്രമേയം പൂർണമായും തെറ്റാണെന്നും അദ്ദേഹം പറഞ്ഞു. എസ്.എസ്.എഫ് ഗോൾഡൻ ഫിഫ്റ്റി സമ്മേളനത്തിൽ സംസാരിക്കുയായിരുന്നു കാന്തപുരം.

Also Read:'കേരള സ്റ്റോറി' സംഘപരിവാരിന്‍റെ വിഷം പുരട്ടിയ നുണ'; എ.എ റഹീം എം.പി

ഇസ്‌ലാം തീവ്രവാദത്തെ അംഗീകരിക്കുകയോ പ്രേമിച്ച് മതം മാറ്റുന്നതിനെ അനുവദിക്കുകയോ ചെയ്യുന്നില്ല. ലവ് ജിഹാദ് കേരളത്തിൽ ഇല്ലെന്ന് നീതിന്യായ സംവിധാനങ്ങൾ തന്നെ തീർത്ത് പറഞ്ഞതാണ്. എന്നിട്ടും വ്യാജ പ്രചാരണം നടത്തുന്നത് വെറുപ്പ് പരത്തുന്നതിന്റെ ഭാഗമാണ്. ഈ സിനിമ നാടിന്റെ സമാധാന അന്തരീക്ഷത്തിന് ഭീഷണിയാണെന്നും കാന്തപുരം പറഞ്ഞു.

Also Read:ദി കേരള സ്റ്റോറി ട്രയിലറിൽ വിഎസിന്റെ വിവാദ പ്രസ്താവനയും; സോഷ്യൽ മീഡിയയിൽ ചർച്ച