കഞ്ചാവ് വിൽപ്പന കേസിൽ അഭിഭാഷകൻ അറസ്റ്റിൽ

തിരുവനന്തപുരം: കഞ്ചാവ് വിൽപ്പന കേസിൽ അഭിഭാഷകൻ അറസ്റ്റിൽ. തിരുവനന്തപുരം ആയുർവേദ കോളജ് സ്വദേശി അഡ്വ. ആഷിഷ് പ്രതാപ് നായർ അറസ്റ്റിലായത്. അഭിഭാഷകന്റെ വീട്ടിൽ നിന്ന് രണ്ടു മാസം മുമ്പ് കഞ്ചാവ് പിടികൂടിയിരുന്നു. ഏകദേശം 10 കിലോയോളം കഞ്ചാവാണ് അന്ന് പിടികൂടിയത്. ഈ കേസിലാണ് വീട്ടുടമസ്ഥനായ അഭിഭാഷകനെ അറസ്റ്റ് ചെയ്തിരിക്കുന്നത്.

എക്‌സൈസ് സംഘമാണ് പ്രതിയെ പിടികൂടിയത്. തമിഴ്നാട്ടില്‍ നിന്ന് കഞ്ചാവ് കേരളത്തിലെത്തിച്ച് ചില്ലറ വില്‍പന നടത്തുന്ന സംഘത്തിലെ കണ്ണിയാണ് ആഷിഷെന്ന് എക്‌സൈസ് ഉദ്യോഗസ്ഥര്‍ അറിയിച്ചു. ഇയാളുടെ ഫോണ്‍ രേഖകളെല്ലാം പരിശോധിച്ചതിന്‍റെ അടിസ്ഥാനത്തിലാണ് ഇയാളെ അറസ്റ്റ് ചെയ്തിരിക്കുന്നത്.