തിരുവനന്തപുരത്തെ ഭരണകൂടത്തിന്റെ കോളനിയായി മലബാർ തുടരുന്നു: പ്രഫ. കെ.കെ.എൻ കുറുപ്പ്​

കോഴിക്കോട്​: തിരുവനന്തപുരത്തെ ഭരണകൂടത്തി​െൻറ കോളനിയായി മലബാർ തുടരുകയാണെന്ന്​ ചരിത്രകാരൻ പ്രഫ. കെ.കെ.എൻ കുറുപ്പ്​. ഭരണാധികാരിക​ളുടെ പഴയ കോളനിഭരണം മലബാറിനെ പിന്നാക്കാവസ്​ഥയിൽ നിലനിർത്തുകയാണെന്നും അദ്ദേഹം പറഞ്ഞു. കോഴിക്കോട്​ സർവകലാശാലയിൽ നടന്ന രണ്ടാമത്​ മലബാർ എജുക്കേഷൻ കോൺഗ്രസ്​ ഉദ്​ഘാടനം ചെയ്​ത്​ സംസാരിക്കുകയായിരുന്നു അദ്ദേഹം.

മലബാറിലെ പിന്നാക്കാവാസ്​ഥ ഇന്ന്​ തുടങ്ങിയതല്ല. ബ്രിട്ടീഷുകാരുടെ കോളനി ഭരണ കാലത്തും അതിന്​ മുമ്പ്​ വിജയനഗര കാലത്തുമെല്ലാം പിന്നാക്കാവസ്​ഥയിലായിരുന്നു. തിരുവിതാംകൂർ, കൊച്ചി എന്നിവിടങ്ങളിൽ രാജഭരണമായിരുന്നു. രാജാവിന്​ എന്തുംചെയ്യാം. രാജാവിന്​ കോളജുകൾ തുടങ്ങാം. വിവിധ ക്രിസ്​ത്യൻ മിഷനറികളും കോളജ്​ തുടങ്ങി. മലബാറിൽ ആദ്യത്തെ ആധുനിക വിദ്യാഭ്യാസ കേന്ദ്രം വരുന്നത്​ ഹെർമൻ ഗുണ്ടർട്ട്​ വന്നപ്പോഴാണ്​.

ഇന്ന്​ നമ്മുടെ സ്​ഥിതി വിവരക്കണക്കുകൾ എടുത്തുനോക്കു​േമ്പാൾ വിദ്യാഭ്യാസ രംഗത്തും മറ്റു രംഗത്തും തിരുവിതാംകൂറും​ കൊച്ചിയും വളരെ മുന്നിലാണ്​. അതേസമയം മലബാർ പഴയ കോളനി വ്യവസ്​ഥയിലേത്​ പോലെ, തിരുവനന്തപുരത്തെ ഭരണകൂടത്തി​െൻറ കോളനിയായി തുടരുകയാണെന്നും അദ്ദേഹം പറഞ്ഞു.

സി.എച്ച്​ മുഹമ്മദ്​ കോയയാണ്​ കോഴിക്കോട്​ സർവകലാശാല സ്​ഥാപിക്കാൻ മുൻകൈയെടുത്തത്​​. അദ്ദേഹമൊരു വിദ്യാഭ്യാസ പ്രവർത്തകനായിരുന്നു. ഒരു സാധാരക്കാരൻ കൂടിയായിരുന്നു സി.എച്ച്​. യുജിസി പുതിയ സർവകലാശാല അനുവദിച്ചപ്പോൾ അത്​ മലബാറിൽ ആകണമെന്ന്​ അദ്ദേഹം ആഗ്രഹിച്ചു. അതിന്​ അന്നത്തെ മുഖ്യമന്ത്രി ഇഎംഎസും കൂട്ടുനിന്നു. അതിനാൽ തന്നെ ഇവിടെ ആയിരക്കണക്കിന്​ കുട്ടികൾക്ക്​ പഠിക്കാൻ കഴിഞ്ഞു. ആദ്യഘട്ടത്തിൽ മലബാറിൽനിന്ന് വിദേശങ്ങളിലേക്ക്​​ കുടിയേറിയത്​ തൊഴിലാളികളായിരുന്നു. പിന്നീട്​ ഇടത്തരക്കാരായി മാറി. പിന്നീട്​ പ്രഫഷനൽസായെന്നും കെ.കെ.എൻ കുറുപ്പ്​ കൂട്ടിച്ചേർത്തു.