മലയാറ്റൂർ നടുവട്ടത്ത് ടിപ്പറും ബൈക്കും കൂട്ടിയിടിച്ച് വിദ്യാർഥി മരിച്ചു

കൊച്ചി: മലയാറ്റൂർ നടുവട്ടത്ത് ടിപ്പറും ബൈക്കും കൂട്ടിയിടിച്ച് വിദ്യാർഥി മരിച്ചു. ബൈക്ക് ഓടിച്ചിരുന്ന ജോസ്പുരം സ്വദേശി ചക്കിച്ചേരി വീട്ടിൽ ക്രിസ്റ്റോ ആണ് മരിച്ചത്. മഞ്ഞപ്ര ഗവ.സ്‌കൂൾ പ്ലസ് ടു വിദ്യാർഥിയാണ്. കൂടെ യാത്ര ചെയ്ത അയ്യമ്പുഴ സ്വദേശി ആഷിക് പ്രസാദിന് പരിക്കേറ്റു. ഇയാളെ അങ്കമാലിയിലെ സ്വകാര്യ ആശുപത്രിൽ പ്രവേശിപ്പിച്ചു. ക്രിസ്റ്റോ സംഭവ സ്ഥലത്തുവെച്ച് തന്നെ മരിച്ചു. വൈകീട്ട് നാല് മണിയോടെയായിരുന്നു അപകടം. കാലടി പോലീസ് സ്ഥലത്തെത്തി മേൽ നടപടികൾ സ്വീകരിച്ചു.