എംഡിഎംഎയും കഞ്ചാവുമായി സിനിമാതാരവും സുഹൃത്തും പിടിയിൽ

തൊടുപുഴ: എംഡിഎംഎയും കഞ്ചാവുമായി സിനിമ താരവും സുഹൃത്തും എക്സൈസ് പിടിയിൽ. എറണാകുളം വെങ്ങോല സ്വദേശി പരീക്കുട്ടി എന്ന ഫരീദുദ്ദീൻ (31), കോഴിക്കോട് വടകര സ്വദേശി ജിസ്‌മോൻ (34) എന്നിവരാണ് എക്സൈസിന്റെ പിടിയിലായത്.

ഇവരുടെ കൈയ്യിൽ നിന്ന് 10.5 ഗ്രാം എംഡിഎംഎ 5 ഗ്രാം കഞ്ചാവ്‌ എന്നിവ കണ്ടെടുത്തു. തൊടുപുഴ കാഞ്ഞാർ പുള്ളിക്കാനം റോഡിൽ നടത്തിയ വാഹന പരിശോധനയിലായിരുന്നു ഇരുവരും പിടിയിലായത്.