തിരൂർ എസ്.എസ്.എം പോളി ടെക്‌നികിൽ എം.എസ്.എഫ് പ്രവർത്തകയെ എസ്.എഫ്.ഐ പ്രവർത്തകർ ആക്രമിച്ചതായി പരാതി

മലപ്പുറം: തിരൂർ എസ്.എസ്.എം പോളി ടെക്‌നികിൽ എം.എസ്.എഫ് പ്രവർത്തകയെ എസ്.എഫ്.ഐ പ്രവർത്തകർ ആക്രമിച്ചതായി പരാതി. യൂണിയൻ ജനറൽ സെക്രട്ടറിയായി വിജയിച്ച ഷഹല വിജയാഹ്ലാദത്തിന്റെ ഭാഗമായി മധുരം വിതരണം ചെയ്യുന്നതിനിടെയാണ് ആക്രമണം ഉണ്ടായത്. തലക്ക് പരിക്കേറ്റ ഷഹലയെ തിരൂർ ജില്ലാ ആശുപത്രിയിൽ പ്രവേശിപ്പിച്ചു.

ഷഹലയെ ആക്രമിച്ചതിന് കോളജിലെ ഒരു എസ്.എഫ്.ഐ പ്രവർത്തകനെ പൊലീസ് കസ്റ്റഡിയിലെടുത്തു. മൂന്നുപേരുടെ പേരിലാണ് ഷഹല പരാതി നൽകിയത്. ഇവരെയും ഉടൻ അറസ്റ്റ് ചെയ്യുമെന്ന് പൊലീസ് പറഞ്ഞു.