അലൻ വാക്കർ ഷോക്കിടെ ഫോൺ മോഷണം; ബെംഗളൂരുവും ഡല്‍ഹിയും കേന്ദ്രീകരിച്ച് അന്വേഷണം

കൊച്ചി: നോർവീജിയൻ സംഗീതജ്ഞൻ അലൻ വാക്കറുടെ സം​ഗീത പരിപാടിക്കിടെ മൊബൈൽ ഫോണുകൾ മോഷണം പോയ കേസിൽ ബെംഗളൂരുവും ഡല്‍ഹിയും കേന്ദ്രീകരിച്ച് അന്വേഷണം. അന്വേഷണസംഘം ബെംഗളൂരുവിലെത്തി. ബെംഗളൂരുവിൽ നടന്ന പരിപാടിക്കിടെ 100 മൊബൈൽ ഫോണുകൾ മോഷണം പോയെന്ന വിവരത്തിന്റെ അടിസ്ഥാനത്തിലാണ് അന്വേഷണം കേരളത്തിന് പുറത്തേക്കും വ്യാപിപ്പിച്ചത്. കൊച്ചിയിലെ പരിപാടിക്ക് നാലുദിവസങ്ങൾക്ക് മുൻപായിരുന്നു ബെം​ഗളൂരുവിലെ പരിപാടി. ഇതേ സംഘം തന്നെയാണോ കൊച്ചിയിലെ മോഷണത്തിന് പിന്നിലെന്ന് സംശയമുണ്ട്. മൊബൈൽ ഫോൺ ഡൽഹിയിൽ എത്തിയെന്ന വിവരങ്ങളും പുറത്തുവരുന്നുണ്ട്. മുളവുക്കാട് എസ് ഐയുടെ നേതൃത്വത്തിലുള്ള സംഘം ഇന്ന് ഡൽഹിക്ക് തിരിക്കും.

കൊച്ചിയിലെ ബോ​ൾ​ഗാ​ട്ടി പാ​ല​സി​ൽ നടന്ന പരിപാടിക്കിടെ 21 ഐ ​ഫോ​ണു​ക​ളു​ൾ​പ്പെ​ടെ 35 സ്മാ​ർ​ട്ട് ഫോ​ണു​ക​ൾ ന​ഷ്ട​മാ​യെ​ന്നാ​ണ് പ​രാ​തി.വാ​ക്ക​ർ വേ​ൾ​ഡ് എ​ന്ന പേ​രി​ൽ അ​ല​ൻ വാ​ക്ക​ർ രാ​ജ്യ​ത്തു​ട​നീ​ളം പ​ത്ത് ന​ഗ​ര​ങ്ങ​ളി​ൽ ന​ട​ത്തു​ന്ന സം​ഗീ​ത​പ​രി​പാ​ടി​യി​ലൊ​ന്നാ​യി​രു​ന്നു കൊ​ച്ചി​യി​ൽ ന​ട​ന്ന​ത്. 5000ത്തി​ലേ​റെ​പേ​ർ പ​ങ്കെ​ടു​ത്ത പ​രി​പാ​ടി​ക്കാ​യി കൊ​ച്ചി സി​റ്റി പൊ​ലീ​സ് വ​ൻ സു​ര​ക്ഷ ഒ​രു​ക്കി​യി​രു​ന്നു. നി​ര​വ​ധി പൊ​ലീ​സു​കാ​രെ​യും പ​രി​പാ​ടി ന​ട​ക്കു​ന്ന വേ​ദി​യി​ൽ വി​ന്യ​സി​ച്ചിരുന്നു. പ​രി​പാ​ടി ന​ട​ക്കു​ന്ന സ്ഥ​ല​ത്ത് പൂ​ർ​ണ​മാ​യും സി.​സി ടി.​വി നി​രീ​ക്ഷ​ണ​വു​മു​ണ്ടാ​യി​രു​ന്നു. എ​ന്നാ​ൽ, സു​ര​ക്ഷാ സം​വി​ധാ​ന​ങ്ങ​ളു​ടെ​യെ​ല്ലാം ക​ണ്ണു​വെ​ട്ടി​ച്ചാ​ണ് മോ​ഷ​ണം നടന്ന​ത്. പ​രി​പാ​ടി​ക്കി​ടെ മ​നഃ​പൂ​ർ​വം തി​ക്കും തി​ര​ക്കു​മു​ണ്ടാ​ക്കി​യാ​ണ് ഫോ​ണു​ക​ൾ അ​ടി​ച്ചു​മാ​റ്റി​യ​ത്. ഇ​ത്ര​യ​ധി​കം ഫോ​ണു​ക​ൾ ഒ​രു​മി​ച്ച് ന​ഷ്ട​പ്പെ​ട്ട​തി​നാ​ൽ ആ​സൂ​ത്രി​ത നീ​ക്ക​മാ​ണ് ന​ട​ന്ന​തെ​ന്നാ​ണ് പൊ​ലീ​സ് വി​ല​യി​രു​ത്ത​ൽ.