നെറ്റ് കിട്ടാത്തതുകൊണ്ട് ജോസഫൈന്റെ പരാമര്‍ശം കണ്ടില്ലെന്ന് പി.കെ ശ്രീമതി
ജോസഫൈന്‍ മോശമായി പരാമര്‍ശിച്ചിട്ടുണ്ടെങ്കില്‍ തിരുത്തണം. അതില്‍ സംശയമില്ല.
നെറ്റ് കിട്ടാത്തതുകൊണ്ട് വനിതാ കമ്മീഷന്‍ അധ്യക്ഷയുടെ പരാമര്‍ശം കണ്ടില്ലെന്ന് പി.കെ ശ്രീമതി. പലരും വീഡിയോ അയച്ച് പ്രതികരണം ചോദിക്കുന്നുണ്ട്. ഫ്‌ളൈറ്റ് യാത്രയിലായിരുന്നതിനാല്‍ വീഡിയോ കാണാന്‍ കഴിഞ്ഞിട്ടില്ല. നെറ്റ് കിട്ടുമ്പോള്‍ വീഡിയോ കാണാം എന്നാണ് പ്രതികരണം ചോദിച്ചവരോട് പറഞ്ഞത്.
ജോസഫൈന്‍ മോശമായി പരാമര്‍ശിച്ചിട്ടുണ്ടെങ്കില്‍ തിരുത്തണം. അതില്‍ സംശയമില്ല. തിരുത്താന്‍ ശേഷിയുള്ള നേതാവാണ് ജോസഫൈന്‍. താനായിരുന്നെങ്കില്‍ നല്ല രീതിയില്‍ കാര്യങ്ങള്‍ ചോദിച്ചു മനസിലാക്കുമായിരുന്നു എന്നും ശ്രീമതി പറഞ്ഞു.
ഒരു ചാനല്‍ പരിപാടിക്കിടെയാണ് പരാതി പറയാന്‍ വിളിച്ച സ്ത്രീയോട് ജോസഫൈന്‍ പരുഷമായി പെരുമാറിയത്. പൊലീസില്‍ പരാതി നല്‍കിയില്ല എന്ന് പറഞ്ഞപ്പോള്‍ എന്നാല്‍ അനുഭവിച്ചോ എന്നായിരുന്നു ജോസഫൈന്റെ പ്രതികരണം.
Next Story
Adjust Story Font
16
