'ആ ധീരയായ പെൺകുട്ടിയെ നമുക്ക് നഷ്ടമായിരിക്കുന്നു' 'ലവ് യൂ സിന്ദഗീ' വീഡിയോയിലൂടെ വൈറലായ യുവതി മരണത്തിന് കീഴടങ്ങി

കോവിഡ് ബാധിച്ച് ആശുപത്രി കിടക്കയിൽ കഴിയുമ്പോഴും ആത്മവിശ്വസം തുടിക്കുന്ന മനസുമായി പാട്ടിന് താളം പിടിക്കുന്ന പെൺകുട്ടിയുടെ വീഡിയോ കഴിഞ്ഞ ദിവസങ്ങളിൽ സമൂഹമാധ്യമങ്ങളിൽ വൈറൽ ആയിരുന്നു. ഓക്​സിജൻ മാസ്​കും ധരിച്ച് 'ലവ്​ യു സിന്ദഗി' വിഡിയോയിലൂടെ വൈറലായ ആ യുവതി മരണത്തിന്​ കീഴടങ്ങിയെന്ന വാർത്ത ഇന്ന് ഞെട്ടലോടെയാണ് രാജ്യം കേൾക്കുന്നത്.

കോവിഡ് ബാധിച്ച് ആശുപത്രി കിടക്കയിൽ കഴിയുമ്പോഴും ആത്മവിശ്വാസം കൈവിടാതെ പാട്ടിനൊപ്പം താളം പിടിക്കുന്ന ആ 30കാരിയുടെ വീഡിയോ ​ഡോ. മോണിക്ക ലാ​ങ്കേയാണ്​ ട്വിറ്ററിൽ ആദ്യം പങ്കുവെച്ചത്. കോവിഡ്​ അത്യാഹിത വാർഡിൽ നിന്ന് ഇത്രയും സന്തോഷം പകരുന്ന യുവതിയുടെ വിഡിയോ നിമിഷങ്ങൾക്കം സമൂഹ മാധ്യമങ്ങളിൽ വൈറലാകുകയായിരുന്നു .

യുവതിയുടെ വൈറൽ വീഡിയോ പങ്കുവെച്ച ഡോക്​ടർ തന്നെയാണ് യുവതിയുടെ മരണവിവരം ട്വിറ്ററിലൂടെ അറിയിക്കുന്നത് 'ക്ഷമിക്കണം, ആ ധീരയായ പെൺകുട്ടിയെ നമുക്ക്​ നഷ്​ടമായിരിക്കുന്നു' -ഡോക്​ടർ കുറിച്ചു.

ഷാരൂഖ്​ ഖാന്‍റെയും ആലിയ ഭട്ടിന്‍റെയും 'ഡിയർ സിന്ദഗി: എന്ന ചിത്രത്തിലെ ലവ്​ യു സിന്ദഗി... എന്ന ഗാനത്തിനൊപ്പമായിരുന്നു യുവതിയുടെ ചെറുചുവടുകൾ . 'ലവ്​ യു സിന്ദഗി 'എന്ന പേരിൽ ഈ വിഡിയോ നിരവധി പേരാണ് സോഷ്യൽ മീഡിയയിൽ ഏറ്റെടുത്തത്.

മേയ്​ എട്ടിനാണ്​ പെൺകുട്ടിയുടെ വൈറൽ വിഡിയോ ഡോക്​ടർ പങ്കുവെച്ചത്​. ​അത്യാസന്ന നിലയിലായിരുന്നിട്ടും ഐ.സി.യു ബെഡ്​ ലഭിച്ചില്ലെന്ന കുറിപ്പിനൊപ്പമായിരുന്നു പ്രതിസന്ധികൾക്കിടയിലും ആത്മവിശ്വാസം പ്രകടമാക്കുന്ന യുവതിയുടെ വിഡിയോ ഡോക്ടർ പങ്കുവെച്ചത്​.