ആരാധകരുടെ സ്വപ്ന ടീമില്‍ ഗാംഗുലി ഇല്ല; ധോണി നായകന്‍
ആരാധകരുടെ സ്വപ്ന ടീമില്‍ ഗാംഗുലി ഇല്ല; ധോണി നായകന്‍
ടെസ്റ്റ് ടീമില്‍ സ്ഥിരം സ്ഥാനം നിലനിര്‍ത്താന്‍ വിഷമിക്കുന്ന യുവരാജ് സിങ് ടീമിലെത്തിയതാണ് അത്ഭുതം. പന്ത്രണ്ടാമനായാണ് യുവി ടീമിലെത്തിയത്.
ക്രിക്കറ്റ് ആരാധകര്‍ വോട്ടെടുപ്പിലൂടെ തെരഞ്ഞെടുത്ത ഇന്ത്യയുടെ സ്വപ്ന ടെസ്റ്റ് ടീമില്‍ മുന്‍ നായകന്‍ സൌരവ് ഗാംഗുലിക്ക് ഇടംകണ്ടെത്താനായില്ല. മഹേന്ദ്ര സിങ് ധോണിയാണ് ടീമിന്‍റെ നായകന്‍. വിരാട് കൊഹ്‍ലിക്കും ടീമില്‍ സ്ഥാനം കണ്ടെത്താനായില്ല. ബിസിസിഐയാണ് ആരാധകര്‍ക്ക് വോട്ടിംഗിലൂടെ മികച്ച ടീമിനെ കണ്ടെത്താന്‍ അവസരം നല്‍കിയത്. വീരേന്ദ്ര സേവാഗും സുനില്‍ ഗവാസ്കറുമാണ് ടീമിന്‍റെ ഓപ്പണര്‍മാര്‍.
വന്‍ മതില്‍ രാഹുല്‍ ദ്രാവിഡിനെയാണ് ബാറ്റിങ് ക്രമത്തില്‍ മൂന്നാമനായി ആരാധകര്‍ തെരഞ്ഞെടുത്തിട്ടുള്ളത്. ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍, വിവിഎസ് ലക്ഷ്മണ്‍, കപില്‍ ദേവ് എന്നിവരാണ് തുടര്‍ന്ന് ക്രീസിലെത്തുക. നായകനായ ധോണി തന്നെയാണ് വിക്കറ്റ് കീപ്പര്‍. അശ്വിനും കുംബ്ലെയുമാണ് ടീമിലെ സ്പിന്നര്‍മാര്‍. കപിലിനെ കൂടാതെ ശ്രീനാഥും സഹീര്‍ ഖാനുമാണ് ടീമിലെ മറ്റ് പേസര്‍മാര്‍. ടെസ്റ്റ് ടീമില്‍ സ്ഥിരം സ്ഥാനം നിലനിര്‍ത്താന്‍ വിഷമിക്കുന്ന യുവരാജ് സിങ് ടീമിലെത്തിയതാണ് അത്ഭുതം. പന്ത്രണ്ടാമനായാണ് യുവി ടീമിലെത്തിയത്.
Adjust Story Font
16
