കൊഹ്‍ലിയുടെ സൈന്യത്തിലെ ജനറലാണ് ധോണിയെന്ന് കുല്‍ദീപ്
കൊഹ്‍ലിയുടെ സൈന്യത്തിലെ ജനറലാണ് ധോണിയെന്ന് കുല്‍ദീപ്
ബാറ്റ്സ്മാന്‍മാരെ വരിഞ്ഞുകെട്ടുന്ന തരത്തില്‍ അറ്റാക്കിങ് ബൌളിംഗ് പുറത്തെടുക്കാന്‍ കൊഹ്ലി ഭായ് പിന്തുണ നല്‍കിയില്ലായിരുന്നെങ്കില്‍ ഈ ജയം അസാധ്യമാകുമായിരുന്നുവെന്നും കുല്‍ദീപ്
വിരാട് കൊഹ്‍ലിയുടെ സൈന്യത്തിലെ ജനറലാണ് മുന്‍ നായകന്‍ മഹേന്ദ്ര സിങ് ധോണിയെന്ന് സ്പിന്നര്‍ കുല്‍ദീപ് യാദവ്. തന്‍റെയും ചഹാലിന്‍റെയും മിന്നുന്ന പ്രകടനങ്ങള്‍ക്ക് പിന്നില്‍ ധോണിയും കൊഹ്‍ലിയും നല്‍കുന്ന സംഭാവന വളരെ വലുതാണെന്നും കുല്‍ദീപ് കൂട്ടിച്ചേര്‍ത്തു.
ദക്ഷിണാഫ്രിക്കയിലെ ഞങ്ങളുടെ നേട്ടത്തിന് പിന്നില്‍ കൊഹ്ലി ഭായിയുടെയും ധോണി ഭായിയുടെയും പിന്തുണ വലുതാണ്. ധോണി ഭായ് നല്‍കുന്ന നിര്‍ദേശങ്ങള്‍ സ്റ്റമ്പ് കാമറ പിടിച്ചെടുത്തത് പലരും കേട്ടു കാണും. എന്നാല്‍ തന്ത്രങ്ങള്‍ മെനയുന്നത് കൊഹ്ലി ഭായ് ആണ്. ഇത് ബൌളര്‍മാര്‍ കൃത്യമായി നടപ്പിലാക്കുന്നുണ്ടെന്ന് ഉറപ്പാക്കുന്നത് ധോണി ഭായും.
ദക്ഷിണാഫ്രിക്കയുലെ ഏകദിന പരമ്പര സ്വന്തമാക്കിയതിന് ഞങ്ങളെ പലരും അഭിനന്ദിക്കുന്നുണ്ട്. ഈ രണ്ട് സീനിയര്‍ താരങ്ങളുടെ പിന്തുണയും ഉപദേശവും ഇല്ലായിരുന്നെങ്കില്‍ ഞങ്ങള്‍ക്ക് പകുതി പോലും തിളങ്ങാനാകില്ലായിരുന്നു. നിങ്ങളെ പിന്തുണക്കുകയും വലിയ വേദികളില്‍ നിങ്ങള്‍ക്ക് തിളങ്ങാനാകുമെന്ന് വിശ്വസിക്കുകയും ചെയ്യുന്ന ഒരു നായകനെയാണ് നിങ്ങള്‍ ആഗ്രഹിക്കുക. ബാറ്റ്സ്മാന്‍മാരെ വരിഞ്ഞുകെട്ടുന്ന തരത്തില്‍ അറ്റാക്കിങ് ബൌളിംഗ് പുറത്തെടുക്കാന്‍ കൊഹ്ലി ഭായ് പിന്തുണ നല്‍കിയില്ലായിരുന്നെങ്കില്‍ ഈ ജയം അസാധ്യമാകുമായിരുന്നുവെന്നും കുല്‍ദീപ് കൂട്ടിച്ചേര്‍ത്തു.
Adjust Story Font
16
