ഗ്രൗണ്ട്​ വൻദുരന്തം; വിമർശനവുമായി​ സ്​കലോണിയും മാർട്ടിനസും രംഗത്ത്​

‘‘ഈ പിച്ചൊരു ദുരന്തമാണ്​. പന്തി​ൻറ ഗതിയെത്തന്നെ മാറ്റുന്നു. ഈ സ്ഥിതി എന്തായാലും മാറ്റണം. അല്ലെങ്കിൽ കോപ്പ അമേരിക്ക യൂറോപ്യൻ ചാമ്പ്യൻഷിപ്പി​നേക്കാൾ ഒരുപാട്​ താഴോട്ട്​ പോകും’’ -കാനഡക്കെതിരൊയ മത്സരത്തിൽ വിജയിച്ചതിന്​ പിന്നാലെ അർ​ജ​​ൈൻറൻ ഗോൾകീപ്പർ എമിലിയാനോ മാർട്ടിനസി​െൻറ പ്രതികരണം ഇങ്ങനെയായിരുന്നു.

എന്നാൽ ഇത്​ മാർട്ടിനസി​ൻറ മാത്രം അഭിപ്രായമായിരുന്നില്ല. ഗ്രൗണ്ടി​െൻറ സ്ഥിതി അതിദയനീയമായിരുന്നു. ഇതുപോലൊരു ​ഫീൽഡിൽ കളക്കേണ്ടി വരുന്നത്​ തികച്ചും നിർഭാഗ്യമാണെന്നായിരുന്നു ക്രിസ്​റ്റ്യൻ റൊമേറോയടെ പ്രതികരണം.

അർജ​​ൈൻറൻ കോച്ച്​ സ്​കലോണി അൽപ്പം കൂടി കടുപ്പിച്ചാണ്​ പ്രതികരിച്ചത്.

ഈ കളി ലോകകപ്പിൽ സൗദി അറേബ്യയുമായുള്ള മത്സരം പോലെയായിരുന്നു. അന്ന്​ കുറച്ചുകൂടി നല്ല ഗ്രൗണ്ടുണ്ടായിരുന്നു എന്നതാണ്​ വ്യത്യാസം. ഞങ്ങൾ ഇന്ന്​ ജയിച്ചത്​ നന്നായി. അല്ലെങ്കിൽ തോൽവിയെ ന്യായീകരിക്കാൻ പറയുകയാണെന്ന്​ കരുതിയേനെ. ഞങ്ങൾ ഇവിടെ കളിക്കുമെന്ന്​ ഏഴ്​ മാസം മുന്നേ അവർക്കറിയാം. പക്ഷേ വെറും രണ്ടുദിവസം മുമ്പ്​ മാത്രമാണ്​ അവർ ഇത്​ മാറ്റിയത്​. ഈ പിച്ചിൽ ഞങ്ങൾക്ക്​ കൂടുലൊന്നും ചെയ്യാനാകുമായിരുന്നില്ല. ഞങ്ങൾ കൊടുത്ത പാസി​െൻറ സ്​പീഡ്​ തന്നെ നോക്കൂ’’ -സ്​ക​ലോണി പറഞ്ഞു.

കനേഡിയൻ ഡിഫൻഡർ കമൽ മില്ലറും സ്​​റ്റേഡിയത്തെ പരിഹസിച്ചു. ഉള്ളുപൊള്ളയായ ഒരു സ്​റ്റേജിലൂടെ നടക്കുന്നത്​പോലെയാണ്​ എനിക്ക്​ തോന്നിയത്​ എന്നായിരുന്നു മില്ലറുടെ പ്രതികരണം. ടർഫിനെക്കുറിച്ച്​ വിമർനമുണ്ടെങ്കിലും 70,564 പേരെ ഉൾകൊണ്ട സ്​റ്റേഡിയം മികച്ച ഫുട്​ബോൾ അന്തരീക്ഷം സൃഷ്​ടിച്ചു.

തീർച്ചയായും അർജൻറീനയുടെ വിമർശനത്തിൽ കാര്യമുണ്ട്​. മത്സരം നടന്ന മേഴ്​സിഡീസ്​ ബെൻസ്​ സ്​റ്റേഡിയം ​മേജർ സോക്കർ ലീഗിൽ അറ്റ്​ലാൻറ യുനൈറ്റഡ്​ എഫ്​സിയുടെ ഹോം ഗ്രൗണ്ടാണ്​. അവിടെ കൃത്രിമമായി നിർമിച്ച ടർഫിലാണ്​ കളി നടക്കാറുള്ളത്​. എന്നാൽ കോപ്പ സംഘാടകരായ Conmebol​ൻറ നിർദേശ പ്രകാരം ഗ്രൗണ്ടിൽ പുല്ലുനിറക്കുകയായിരുന്നു.

പോയ ശനി അറ്റ്​ലാൻറ യുനൈറ്റഡും ഹൂസ്​റ്റൺ ഡൈനാ​മോസും തമ്മിൽ ഇതേ ഗ്രൗണ്ടിൽ ഒരു മത്സരമുണ്ടായിരുന്നു. പക്ഷേ അന്ന്​ കൃത്രിമ പ്രതലത്തിലായിരുന്നു മത്സരം. വെറും രണ്ടുദിവസങ്ങൾക്ക് മുമ്പ്​ മാത്രമാണ്​ സ്​റ്റേഡിയത്തിൽ പുല്ലുപതിച്ചത്​. ഗ്രൂപ്പ്​എയിൽ ചിലിയുമായാണ്​ അർജൻറീനയുടെ അടുത്ത മത്സരം. അത്​ നടക്കുന്നത്​ ന്യൂ ജേഴ്​സിയിലെ ഈസ്​റ്റ്​ റഥർഫോർഡ്​ സ്​റ്റേഡിയത്തിലാണ്​. ഇനി അർജന്റീനക്ക് ഈ ഗ്രൗണ്ടിൽ മത്സരങ്ങൾ ഒന്നുമില്ല. യുഎസ്എയും പനാമയും തമ്മിലുള്ള ഒരുമത്സരം മാത്രമേ നടക്കാനുള്ളൂ.

അർജൻറീനയുടെ വിമശർനത്തിൽ ഇതുവരെ ഔദ്യോഗിക പ്രതികരണമൊന്നും വന്നിട്ടില്ല. ഇതേ ഗ്രൗണ്ട്​ യു.എസ്​ വനിതാടീമി​െൻറ മത്സരവും ഇംഗ്ലീഷ്​ പ്രീമിയർ ലീഗ്​ ക്ലബുകളുടെ സൗഹൃദ മത്സരങ്ങൾക്കും വേദിയായിട്ടു​​​​ണ്ടെന്നും അന്നാരും പൊതുമധ്യത്തിൽ വിമശനം ഉയത്തിയിട്ടി​ല്ലെന്നും അറ്റ്​ലാൻറ്​ ജേണൽ കോൺസ്​റ്റിറ്റ്യൂഷനിൽ ഡഗ്​ റോബർസൺ കുറിച്ചു. താരങ്ങൾ​ സ്ലിപ്പായില്ലെന്നും പരിക്ക്​ പറ്റിയില്ലെന്നും അറ്റ്​ലാൻറ യുനൈറ്റഡി​ൻറ മത്സരങ്ങൾ കവർ ചെയ്യുന്ന റോബർസൺ ​ ന്യായീകരിക്കുന്നുണ്ട്​.

2026 ഫുട്​ബോൾ ലോകകപ്പിന്​ ആതിഥേയത്വം വഹിക്കുന്ന ഗ്രൗണ്ടുകളിലൊന്നാണ്​ അറ്റ്​ലാൻറ. സെമിയടക്കം എട്ടുമത്സരങ്ങളാണ്​ ഇവിടെ അരങ്ങേറുക. പക്ഷേ അന്ന്​ ആർട്ടിഫിഷ്യൽ ടർഫ്​ മൊത്തമായി മാറ്റി പുല്ലുതന്നെ വളർത്തുമെന്നാണ് റിപ്പോർട്ടുകൾ.