സ്റ്റാംഫോർഡ് ചുവന്നു; ചെൽസിക്കെതിരെ ആഴ്‌സനലിന് ജയം

സ്റ്റാംഫോർഡ് ബ്രിഡ്ജ്: ഇംഗ്ലീഷ് പ്രീമിയർ ലീഗിൽ ചെൽസിയെ ഹോം ഗ്രൗണ്ടായ സ്റ്റാംഫോർഡ് ബ്രിഡ്ജിൽ എതിരില്ലാത്ത ഒരു ഗോളിന് തകർത്ത് ആഴ്‌സനൽ. 62-ാം മിനിറ്റിൽ ഗബ്രിയേൽ ആണ് ആഴ്‌സനലിനായി ഗോൾ നേടിയത്. സാക എടുത്ത കോർണർ കിക്കാണ് ഗബ്രിയേൽ വലയിലെത്തിച്ചത്.

മത്സരത്തിൽ ആഴ്‌സനലാണ് മേധാവിത്തം പുലർത്തിയത്. കൂടുതൽ സമയം പന്ത് കൈവശം വെച്ചത് ആഴ്‌സനലാണ്. ഷോട്ട് ഓൺ ടാർഗറ്റിലും ആഴ്‌സനൽ തന്നെയാണ് മികവ് പുലർത്തിയത്.

ഈ വിജയത്തോടെ ആഴ്‌സനൽ 13 മത്സരങ്ങളിൽനിന്ന് 34 പോയിന്റുമായി ഇംഗ്ലീഷ് പ്രീമിയർ ലീഗിൽ ഒന്നാമതെത്തി. ചെൽസിക്ക് ഇത് തുടർച്ചയായ രണ്ടാം പരാജയമാണ്. 21 പോയിന്റുമായി ചെൽസി ഏഴാം സ്ഥാനത്താണ്.