വെസ്റ്റ് ഹാമിനെതിരായ മത്സരം സമനിലയായതോടെ ക്ഷമാപണവുമായി ബുകായോ സാക്ക

ഇം​ഗ്ലീഷ് പ്രീമിയർ ലീ​ഗിൽ വെസ്റ്റ് ഹാമിനെതിരെ സമനില വഴങ്ങിയതോടെ ക്ഷമാപണവുമായി ആഴ്സണൽ താരം ബുകായോ സാക്ക. സോഷ്യൽ മീഡിയ വഴിയാണ് താരം ആരാധകരോട് ക്ഷമ ചോദിച്ചിരുക്കുന്നത്. മത്സരത്തിലെ നിർണ്ണായകമായ പെനാൽറ്റി താരം നഷ്ടപ്പെടുത്തിയിരുന്നു.

ഇന്നലെ നടന്ന മത്സരത്തിൽ ആദ്യ പത്ത് മിനുറ്റിൽ തന്നെ ആഴ്സനൽ ​ഗബ്രിയേൽ ജീസസ്[7], മാർട്ടിൻ ഒഡെ​ഗാർഡ്[10] എന്നിവരിലൂടെ രണ്ടു ​ഗോൾ ലീ‍ഡ് നേടിയിരുന്നെങ്കിലും പിന്നീട് കളി കെെവിടുകയാണുണ്ടായത്. മത്സരത്തിൽ 52-ാം മിനുറ്റിൽ ലഭിച്ച പെനാൽറ്റി സാക്ക നഷ്ടപ്പെടുത്തുകയും ചെയ്തു. കിരീട പോരാട്ടത്തിലെ നിർണ്ണായക മത്സരം സമനില വഴങ്ങിയതോടെ സാക്കയെ മാത്രമാണ് എല്ലാവരും കുറ്റക്കാരനാക്കുന്നത്. എന്നാൽ തോമാസ് പാർട്ടിയും ഗബ്രിയേൽ മഗൽഹെസും ഇന്നലെ ഏറ്റവും മോശം കളിയാണ് കാഴ്ച്ച വെച്ചത്.

Granit Xhaka on Bukayo Saka: "This guy is so young, he's 21. He's so strong mentally. We are not worried about him. This is one more experience for his future. He will do it (bounce back) and he will show a reaction on Friday (against Southampton). It (missing penalties) happens,… pic.twitter.com/ixUf1o2efQ

— Gunners (@Gunnersc0m) April 17, 2023

മുമ്പ് 2021-ൽ നടന്ന യൂറോകപ്പ് ഫൈനൽ മത്സരത്തിൽ പെനാൽറ്റി ഷൂട്ടൗട്ടിൽ കിക്ക് നഷ്ടപ്പെടുത്തിയ താരം നിരവധി വംശീയ ആക്രമണത്തിന് ഇരയായിരുന്നു. ഈ സീസണിൽ ആഴ്സനലിന്റെ പ്രീമിയർ ലീ​ഗ് കുതിപ്പിൽ നിർണ്ണായക സാനിധ്യമായിരുന്നു ഈ ഇം​ഗ്ലീഷ് യുവതാരം. ലീ​ഗിൽ ഇതുവരെ 12- ​ഗോളുകളും 10- അസിസ്റ്റും സാക്ക ആഴ്സനലിനായി നൽകി കഴിഞ്ഞു.

31- മത്സരങ്ങളിൽ നിന്ന് 74- പോയിന്റാണ് ഒന്നാമതുളള ​ആഴ്സനലിനുളളത്. ഒരു മത്സരം കുറവ് കളിച്ച മാഞ്ചസ്റ്റർ സിറ്റിയാണ് 70- പോയിന്റുമായി രണ്ടാമത്. ആഴ്സനൽ വെസ്റ്റ് ഹാമിനെതിരെ സമനില വഴങ്ങിയതോടെ ഈ മാസം 27-ാം തീയ്യതി ഇത്തിഹാദ് സ്റ്റേ‍ഡിയത്തിൽ മാഞ്ചസ്റ്റർ സിറ്റിയും ആഴ്സനലും നടക്കുന്ന മത്സരം ഇത്തവണത്തെ കിരീട വിജയികളെ ഏറെക്കുറെ തീരുമാനിക്കും.