ചെൽസിക്ക് വീണ്ടും പരാജയം

ചെൽസിക്ക് പ്രീമിയർ ലീ​ഗിൽ വീണ്ടും പരാജയം. എതിരില്ലാത്ത രണ്ടു ​ഗോളുകൾക്ക് ആസ്റ്റൺ വില്ലയാണ് ചെൽസിയെ തോൽപ്പിച്ചത്. ആസ്റ്റൺ വില്ലക്കായി ഒല്ലി വാറ്റ്കിൻസ്, ജോൺ മക്​ഗിൻ എന്നിവർ ലക്ഷ്യം കണ്ടു. ഈ സീസണിൽ ചെൽസിയുടെ പത്താം പരാജയമാണിത്. 28- മത്സരങ്ങളിൽ നിന്നായി 38- പോയിന്റുമായി 11-ാം സ്ഥാനത്താണ് നിലവിൽ ചെൽസിയുളളത്.

Defeat this afternoon.#CheAvl pic.twitter.com/CGV0uaTTJs

— Chelsea FC (@ChelseaFC) April 1, 2023

ഈ സീസണിൽ തുടക്കം മുതൽ മോശം ഫോമിൽ വലയുകയാണ് ചെൽസി. തോമസ് ടുഷേലിനു പകരം വന്ന ​ഗ്ര​ഹാം പോട്ടെർക്ക് കാര്യമായി ഒന്നും ചെയ്യാൻ ഇതുവരെ കഴിഞ്ഞിട്ടില്ല. മില്യണുകൾ മുടക്കി എൻസോ ഫെർണാണ്ടസ്, ജാവോ ഫെലിക്സ് [ലോൺ] തുടങ്ങിയ താരങ്ങളെ ടീമിലെത്തിച്ചെങ്കിലും വിജയം മാത്രം ടീമിനു അകന്ന് നിന്നു. തുടർ പരാജയങ്ങളിൽ നിന്നുളള ചെറിയ മുന്നേറ്റം ടീം നടത്തിയിരുന്നങ്കിലും അന്താരാഷ്ട്ര മത്സരങ്ങൾക്കു ശേഷമുളള ഇടവേളയിലെ ആദ്യ മത്സരം തന്നെ ടീം തോറ്റിരിക്കുകയാണ്.

🗣️ "We can't feel sorry for ourselves"

Graham Potter reacts to Chelsea's 2-0 loss against Aston Villa 📉 pic.twitter.com/Jw5bvaRst1

— Sky Sports Premier League (@SkySportsPL) April 1, 2023

ടുഷേലിനു വിജയതുടക്കം

ചെൽസി മുൻ പരിശീലകന് വിജയത്തോടെ തുടക്കം. ജർമൻ ബുണ്ടസ് ലി​ഗയിലെ ക്ലാസിക് പോരാട്ടത്തിൽ ബയേൺ മ്യൂണിക്കിന് തകർപ്പൻ ജയം. രണ്ടിനെതിരെ നാലു ​ഗോളുകൾക്കായിരുന്നു ഡോർട്മുണ്ടിനെതിരെ ബയേണിന്റെ ജയം. 18, 23 മിനുറ്റുകളിലായി തോമസ് മുളളർ ബയേണിനായി ഇരട്ട ​ഗോളുകൾ നേടി. മറ്റൊരു ​ഗോൾ കിം​ഗ്സ്ലി കോമൻ നേടിയപ്പോൾ ഒരു ​ഗോൾ ഓൺ ​ഗോളായിരുന്നു. ‍ഡോർമുണ്ടിനായി എമ്രി ചാനും, ‍ഡോണേൽ മലനും ​ഗോളുകൾ കണ്ടെത്തി

Defeat this afternoon.#CheAvl pic.twitter.com/CGV0uaTTJs

— Chelsea FC (@ChelseaFC) April 1, 2023