നടന്നുവരുമ്പോള്‍ തോളിലെ ബാഗിന് പെട്ടെന്ന് തീപിടിച്ചാല്‍: വീഡിയോ കാണാം

തിരക്കേറിയ ഒരു റോഡിലൂടെ നടന്നുവരുമ്പോള്‍ കയ്യിലുള്ള ഒരു ബാഗിന് പെട്ടെന്ന് തീപിടിച്ചാലോ. എന്തായിരിക്കും നമ്മുടെ അവസ്ഥ. എങ്ങനെ ആ നിമിഷത്തെ അതിജീവിക്കുമെന്ന് ചിന്തിച്ചിട്ടുണ്ടോ...

അത്തരമൊരു സന്ദര്‍ഭത്തിന്‍റെ ദൃശ്യങ്ങളാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. തിരക്കേറിയ റോഡിലൂടെ നടന്ന് വരികയായിരുന്നു ഒരു യുവാവ്. കൂടെ ഒരു യുവതിയുമുണ്ട്. പെട്ടെന്നാണ് യുവാവിന്‍റെ തോളിലൂടെ മുമ്പിലേക്കിട്ട ബാഗില്‍ നിന്ന് തീ ഉയര്‍ന്നത്. പരിഭ്രാന്തനായ യുവാവ് ബാഗ് വലിച്ചൂരി എറിയുകയായിരുന്നു.

ഭാഗ്യം കൊണ്ടാണ് കൂടുതല്‍ അപകടങ്ങളില്ലാതെ രക്ഷപ്പെട്ടത്. യുവാവിന് ഇരുവശത്തും നിരവധി ഇരുചക്രവാഹനങ്ങള്‍ നിര്‍ത്തിയിട്ടിട്ടുണ്ടായിരുന്നു. യുവാവിന് പിറകിലായിട്ടും വണ്ടികള്‍ വന്നുകൊണ്ടിരിക്കുന്നുണ്ടായിരുന്നു. ഒരല്‍പ്പം ശ്രദ്ധ തെറ്റിയിരുന്നെങ്കില്‍ അവിടെ കൂട്ട തീപിടുത്തം ഉണ്ടാകുമായിരുന്നു.

ചൈനയിൽ നിന്നാണ് ഈ നടുക്കുന്ന വീഡിയോ പുറത്തുവന്നിരിക്കുന്നത്. സൗത്ത് ചൈന മോർണിങ് പോസ്റ്റാണ് ഈ വീഡിയോ പങ്കുവച്ചിരിക്കുന്നത്.

യുവാവിന്‍റെ ബാഗിനുള്ളിലുണ്ടായിരുന്ന ഫോണ്‍ പൊട്ടിത്തെറിച്ച് തീ പിടിക്കുകയായിരുന്നു. പെട്ടെന്ന് തന്നെ ബാഗിന് പൂർണമായും തീപിടിച്ചു. യുവാവിന്‍റെ ശരീരത്തിലേക്കും തീ അതിവേഗം പടർന്നു. യുവാവ് ബാഗ് താഴെയിടുന്നതും ഓടി മാറുന്നതും വീഡിയോയിൽ കാണാം. യുവാവിന്‍റെ ശരീരത്തില്‍ തീപൊള്ളലേറ്റിട്ടുണ്ട്. ബാഗ് വലിച്ചൂരുന്നതിനിടെ തീയൂടെ ചൂടേറ്റ് മുടി കരിഞ്ഞുപോയിട്ടുമുണ്ട്.

This is the shocking moment a phone catches fire inside a man's bag in China. pic.twitter.com/4C5zz8Ov6t

— SCMP News (@SCMPNews) April 20, 2021