പശ്ചിമേഷ്യയിലേക്ക് ലബൂൺ യുദ്ധക്കപ്പൽ അയച്ച് യു.എസ്; ഇറാനു പ്രത്യാക്രമണം നടത്താൻ അവകാശമുണ്ടെന്ന്​ ചൈന

തെഹ്റാന്‍/തെല്‍അവീവ്: ഇസ്രായേലിനെതിരെ ഇറാന്‍റെ പ്രത്യാക്രമണം ഉടനെന്ന റിപ്പോർട്ടിനു പിന്നാലെ പശ്ചിമേഷ്യയിൽ യുദ്ധഭീതി കനക്കുന്നു. ബെയ്​റൂത്ത്, തെൽഅവീവ്​, തെഹ്​റാൻ എന്നിവിടങ്ങളിലേക്കുള്ള വിമാന സർവീസുകൾ പ്രതിസന്ധിലായിരിക്കുകയാണ്. ഇതിനിടെ, ഇസ്രായേലിന് സുരക്ഷയൊരുക്കാൻ അമേരിക്ക ലബൂൺ യുദ്ധക്കപ്പൽ മേഖലയിലേക്ക് അയച്ചിട്ടുണ്ട്. ഇറാനു പ്രത്യാക്രമണം നടത്താൻ അവകാശമുണ്ടെന്ന്​ ചൈനയും പ്രതികരിച്ചിരിക്കുകയാണ്. അതിനിടെ, ഗസ്സയിൽ ഇസ്രായേൽ ആക്രമണം രൂക്ഷമായി തുടരുകയാണ്.

ഇസ്രായേലിനെതിരെ ഇറാന്‍റെ വ്യാപക ആക്രമണം ഉടൻ ഉണ്ടാകുമെന്നാണ്​ യു.എസ്​, ഇസ്രായേൽ ഇന്‍റലിജൻസ്​ റിപ്പോർട്ടുകൾ ഉദ്ധരിച്ച്​ അമേരിക്കൻ മാധ്യമങ്ങൾ കഴിഞ്ഞ ദിവസം റിപ്പോര്‍ട്ട് ചെയ്തത്. ആക്രമണത്തിൽനിന്ന്​ ഇറാനെ പിന്തിരിപ്പിക്കാനുള്ള യൂറോപ്യൻ നീക്കം പരാജയപ്പെട്ടിരിക്കുകുയാണ്. ഇതോടെ മേ​ഖ​ല​യി​ൽ യു​ദ്ധ​ഭീ​തി വ​ർ​ധി​ച്ചു. ഇ​സ്മാ​ഈ​ൽ ഹ​നി​യ്യയു​ടെ വ​ധ​ത്തി​ന് അ​ന്താ​രാ​ഷ്ട്ര സ​മ്മ​ർ​ദ​ങ്ങ​ളെ അ​വ​ഗ​ണി​ച്ച് ഇ​സ്രാ​യേ​ലി​നെ ക​ഠി​ന​മാ​യി ശി​ക്ഷി​ക്കു​മെ​ന്ന നി​ല​പാ​ടി​ൽ ഉറച്ചുനിൽക്കുകയാണ്​ ഇ​റാ​ൻ.

ഇ​റാ​നും ഹി​സ്ബു​ല്ല​യും സം​യു​ക്ത​മാ​യി ഒ​രേ​സ​മ​യം ആ​ക്ര​മ​ണം ന​ട​ത്തി​യേ​ക്കാ​മെ​ന്ന്​ ഇസ്രായേൽ മാധ്യമങ്ങളും റിപ്പോർട്ട്​ ചെയ്തു. ഏറ്റവും ഉയർന്ന സുരക്ഷാ നിർദേശമാണ്​ ഇസ്രായേൽ ജനങ്ങൾക്ക്​ നൽകിയിരിക്കുന്നത്​. മ​ന്ത്രി​മാ​ർ​ക്കും ഉ​ന്ന​ത സൈ​നി​കോ​ദ്യോ​ഗ​സ്ഥ​ർ​ക്കും അ​ധി​കസു​ര​ക്ഷ ഏ​ർ​പ്പെ​ടു​ത്തി​യി​ട്ടു​ണ്ട്. സ്വി​സ് എ​യ​ർ​ലൈ​ൻ​സ്, ലു​ഫ്താ​ൻ​സ, എ​യ​ർ ഫ്രാ​ൻ​സ്​, ട്രാ​ൻ​സാ​വി​ ഉൾപ്പെടെ വിവിധ വിമാന കമ്പനികൾ തെൽഅവീവ്​, തെഹ്​റാൻ, ​ബെയ്റൂത്ത്​ സർവീസുകൾ റദ്ദാക്കി. ഹിസ്ബുല്ല ഇസ്രായേലിനുനേരെയുള്ള ആക്രമണവും കടുപ്പിച്ചിട്ടുണ്ട്​.

ഇറാൻ ഇസ്രായേലിനെ ആക്രമിച്ചാൽ വലിയ വിലയൊടുക്കേണ്ടി വരുമെന്ന്​ യു.എസ്, ബ്രിട്ടൻ, ഫ്രാൻസ്​, ജർമനി, ഇറ്റലി എന്നീ രാജ്യങ്ങൾ സംയുക്ത പ്രസ്താവനയിൽ തെഹ്​റാന്​ മുന്നറിയിപ്പ്​ നൽകിയിട്ടുണ്ട്. എന്നാൽ, ഹനിയ്യയുടെ കൊല ഇറാന്‍റെ പരമാധികാരത്തിനുനേരെയുള്ള ലംഘനം തന്നെയാണെന്നാണു​ ചൈന പ്രതികരിച്ചത്. പ്രത്യാക്രമണം നടത്താൻ ഇറാന്​ അവകാശമുണ്ടെന്നും ചൈന വ്യക്തമാക്കി.

അതിനിടെ, ഗസ്സ​യി​ൽ ഇ​സ്രാ​യേ​ൽ വ്യോ​മാ​ക്ര​മ​ണ​ത്തി​ൽ 24 മ​ണി​ക്കൂ​റി​നി​ടെ 25 ഫ​ല​സ്തീ​നി​ക​ൾ കൂ​ടി കൊ​ല്ല​പ്പെ​ട്ടു. ഇ​തു​വ​രെ 39,897 ഫ​ല​സ്തീ​നി​ക​ളാ​ണ് ഗ​സ്സ​യി​ൽ കൊ​ല്ല​പ്പെ​ട്ട​ത്. 92,152 പേ​ർക്കു പ​രി​ക്കേ​റ്റു. ഇ​സ്രാ​​യേ​ൽ മു​ന്ന​റി​യി​പ്പി​നെ തു​ട​ർ​ന്ന് പ​തി​നാ​യി​ര​ങ്ങ​ൾ ഒ​ഴി​യാൻ നിർബന്ധിതരായ ഖാ​ൻ യൂ​നി​സി​ൽ അ​തീ​വ ദ​യ​നീ​യ​മാ​ണ് സ്ഥി​തി. വ്യാഴാഴ്​ച നടക്കുമെന്നു കരുതുന്ന പു​തി​യ വെ​ടി​നി​ർ​ത്ത​ൽ ചർച്ചയും പ്രതിസന്ധിയിലാണ്​. ​യു.​എ​സ് പ്ര​സി​ഡ​ന്റ് ജോ ​ബൈ​ഡ​ൻ മു​​ന്നോ​ട്ടു​വ​ച്ച നി​ർ​ദേ​ശ​ങ്ങ​ൾ ന​ട​പ്പാ​ക്കുകയാണ്​ വേണ്ടതെന്ന നിലപാടിലാണ്​​ ഹ​മാ​സ്.

Summary: Iran-Israel tensions HIGHLIGHTS