ദുർ​ഗാപൂജ ആഘോഷത്തിനിടെ കാളയുടെ ആക്രമണം; ഒരാൾ മരിച്ചു

ദുർ‍​ഗാപൂജ ആഘോഷത്തിനിടെ കാളയുടെ ആക്രമണത്തിൽ ഒരാൾക്ക് ദാരുണാന്ത്യം. പശ്ചിമ ബംഗാളിലെ റാണിഗഞ്ചിലാണ് സംഭവം.

വിഗ്രഹ നിമജ്ജന ചടങ്ങിനിടെയാണ് കാണികൾക്കു നേരെ കാളയുടെ അപ്രതീക്ഷിത ആക്രമണം ഉണ്ടായത്. ദുർ​ഗാ വി​ഗ്രഹം കയറ്റിയ കാളവണ്ടിയിലെ കാളകളിൽ ഒന്നാണ് അക്രമാസക്തമായത്.

നീണ്ട കൊമ്പുകളുള്ള കാള ആക്രോശത്തോടെ ആദ്യം വണ്ടിയെ ആൾക്കൂട്ടത്തിലേക്ക് മറിച്ചിട്ടു. തുടർന്ന് ആളുകൾക്കിടയിലേക്ക് പാഞ്ഞുകയറുകയും ഒരാളെ ആക്രമിക്കുകയുമായിരുന്നു.

ആക്രമണത്തിൽ പരിക്കേറ്റയാളെ ആശുപത്രിയിൽ എത്തിക്കുമ്പോഴേക്കും മരിച്ചിരുന്നുവെന്ന് വൃത്തങ്ങൾ അറിയിച്ചു.