'മഹാരാഷ്ട്രയിലേത് വികസനത്തിന്റെ വിജയം, നല്ല ഭരണം എവിടെയും വിജയിക്കും'- പ്രധാനമന്ത്രി

ന്യൂഡൽഹി: മഹാരാഷ്ട്ര നിയമസഭാ തെരഞ്ഞെടുപ്പിൽ കണ്ടത് വികസനത്തിന്റെ വിജയമെന്ന് പ്രധാനമന്ത്രി നരേന്ദ്രമോദി. നല്ല ഭരണം എവിടെയും വിജയിക്കുമെന്ന് എൻഡിഎയുടെ പ്രകടനത്തെ പ്രശംസിച്ച് പ്രധാനമന്ത്രി എക്‌സിൽ കുറിച്ചു. മഹാരാഷ്ട്രയുടെ ഉന്നതിയ്ക്കായി തുടർന്നും പ്രവർത്തിക്കുമെന്നും പ്രധാനമന്ത്രി കൂട്ടിച്ചേർത്തു.

എക്‌സ് പോസ്റ്റിന്റെ പൂർണരൂപം:

"വികസനം വിജയിക്കുന്നു, നല്ല ഭരണം വിജയിക്കുന്നു... ഒന്നിച്ച് നമ്മൾ ഇനിയും മുന്നോട്ട് കുതിക്കും. എൻഡിഎയ്ക്ക് ചരിത്രവിജയമുണ്ടാക്കിയതിൽ മഹാരാഷ്ട്രയിലെ എല്ലാവരോടും നന്ദിയും കടപ്പാടുമുണ്ട്. സംസ്ഥാനത്തെ യുവജനതയോടും സ്ത്രീകളോടുമുള്ള നന്ദി എടുത്തുപറയേണ്ടതാണ്. മഹാരാഷ്ട്രയുടെ പുരോഗതിയ്ക്കായി നാമൊന്നിച്ച് പ്രവർത്തിക്കും.

ജയ് മഹാരാഷ്ട്ര !"