ദേവസ്വംബോര്‍ഡ് തെരഞ്ഞെടുപ്പ് ഇന്ന്
Update: 2017-11-23 09:33 GMT
നിയമസഭയിലെ ഹിന്ദു അംഗങ്ങളാണ് വോട്ട് ചെയ്യേണ്ടത്. ഇന്ന് വൈകിട്ട് നാലിന് വോട്ടെണ്ണി ഫലം പ്രഖ്യാപിക്കും.
തിരുവിതാംകൂര്‍, കൊച്ചി, മലബാര്‍ ദേവസ്വം ബോര്‍ഡുകളിലേക്കുള്ള ഒഴിവുകള്‍ നികത്താന്‍ ഇന്ന് തെരഞ്ഞെടുപ്പ് നടത്തും. രാവിലെ 11 മണിക്ക് നിയമസഭാ കോംപ്ലക്‌സിലാണ് തെരഞ്ഞെടുപ്പ്.
മലബാര്‍ ദേവസ്വം ബോര്‍ഡിലേക്ക് രണ്ടംഗങ്ങളുടെയും തിരുവിതാംകൂര്‍, കൊച്ചി ദേവസ്വം ബോര്‍ഡുകളിലേക്ക് പട്ടികജാതി/പട്ടികവര്‍ഗ വിഭാഗത്തില്‍നിന്നുള്ള ഓരോ അംഗങ്ങളുടെയും ഒഴിവാണുള്ളത്. നിയമസഭയിലെ ഹിന്ദു അംഗങ്ങളാണ് വോട്ട് ചെയ്യേണ്ടത്. ഇന്ന് വൈകിട്ട് നാലിന് വോട്ടെണ്ണി ഫലം പ്രഖ്യാപിക്കും.
ദേവസ്വം ബോര്‍ഡ് തെരഞ്ഞെടുപ്പുകളില്‍ ബി.ജെ.പി. വോട്ട് വേണ്ടെന്ന് യു.ഡി.എഫ് ചെയര്‍മാനും പ്രതിപക്ഷ നേതാവുമായ രമേശ് ചെന്നിത്തല കഴിഞ്ഞ ദിവസം പ്രഖ്യാപിച്ചിരുന്നു.