സംസ്ഥാനത്ത് അത്യുഷ്ണ കാലാവസ്ഥ നാളെയും തുടരും

സംസ്ഥാനത്ത് അത്യുഷ്ണ കാലാവസ്ഥ നാളെയും തുടരുമെന്ന് കാലാവസ്ഥ നിരീക്ഷണ കേന്ദ്രം.

സംസ്ഥാനത്ത് അത്യുഷ്ണ കാലാവസ്ഥ നാളെയും തുടരുമെന്ന് കാലാവസ്ഥ നിരീക്ഷണ കേന്ദ്രം. മെയ് രണ്ട് മുതല്‍ ഒറ്റപ്പെട്ട സ്ഥലങ്ങളില്‍ കനത്ത വേനല്‍മഴ ഉണ്ടാകുമെന്ന് നേരത്തെ കാലാവസ്ഥ നിരീക്ഷണ കേന്ദ്രം അറിയിച്ചിരുന്നു. എന്നാല്‍ ഇന്നലെയും ഇന്നും സംസ്ഥാനത്ത് ഒറ്റപ്പെട്ട മഴ ലഭിച്ചു.

തിരുവനന്തപുരം നഗരത്തില്‍ മൂന്ന്, നാല് മിനിറ്റ് ചെറിയ ഇടിയോടു കൂടിയ വലിയൊരു മഴ. തെക്കന്‍ കേരളത്തില്‍ ചിലയിടങ്ങളില്‍ ഇന്ന് വൈകുന്നേരം മിനിറ്റുകള്‍ മാത്രം നീണ്ടുനിന്ന വേനല്‍ മഴ കിട്ടി. എന്നാല്‍ സംസ്ഥാനത്തെ അത്യുഷ്ണ കാലാസ്ഥയില്‍ നാളെയും മാറ്റമുണ്ടാകില്ല. ഇങ്ങിനെ ഇടക്കിടയ്ക്ക് ചെറിയ മഴ കിട്ടുന്നത് ചൂട് കൂട്ടും.

പാലക്കാട് തന്നെയാണ് റെക്കോര്‍ഡ് ചൂട് അനുഭവപ്പെട്ടത്. 41.6 ഡിഗ്രി. കോഴിക്കോട് 39.2. കണ്ണൂര്‍ 37.8. ഇങ്ങനെ പോകുന്നു സംസ്ഥാനത്തെ താപനില. ചൂട് കാലത്തെ അതീവ ശ്രദ്ധ പുലര്‍ത്തണമെന്നാണ് തൊഴിലാളികള്‍ അടക്കമുള്ളവരോട് ദുരന്ത നിവാരണ വകുപ്പ് പറയുന്നത്.