യുഡിഎഫ് വന്നാല്‍ പരിസ്ഥിതിയെ തകര്‍ക്കുന്ന വികസനം നടപ്പാക്കില്ല: കുഞ്ഞാലിക്കുട്ടി
Update: 2018-05-26 17:00 GMT
യുഡിഎഫ് അധികാരത്തിലെത്തിയാല്‍ പരിസ്ഥിതിയെ തകര്‍ക്കുന്ന വികസനം നടപ്പാക്കില്ലെന്ന് മന്ത്രി പി കെ കുഞ്ഞാലിക്കുട്ടി പറഞ്ഞു.
യുഡിഎഫ് അധികാരത്തിലെത്തിയാല്‍ പരിസ്ഥിതിയെ തകര്‍ക്കുന്ന വികസനം നടപ്പാക്കില്ലെന്ന് മന്ത്രി പി കെ കുഞ്ഞാലിക്കുട്ടി പറഞ്ഞു. ജനങ്ങളെ അടിച്ചോടിച്ച് വികസനം കൊണ്ടുവരാന്‍ കഴിയില്ലെന്നും പി കെ കുഞ്ഞാലിക്കുട്ടി പറഞ്ഞു.
മലപ്പുറം പ്രസ് ക്ലബ് സംഘടിപ്പിച്ച നേതൃശബ്ദം എന്ന പരിപാടിയിലാണ് യുഡിഎഫിന്‍റെ വികസന കാഴ്ച്ചപാടുകള്‍ കുഞ്ഞാലിക്കുട്ടി വ്യക്തമാക്കിയത്. ദേശീയപാത വികസനം, കരിപ്പൂര്‍ വിമാനത്താവളം എന്നിവയെ കുറിച്ചുളള ചോദ്യങ്ങള്‍ക്ക് മറുപടിയായാണ് കുഞ്ഞാലിക്കുട്ടിയുടെ പ്രസ്താവന. വികസനം ജനങ്ങള്‍ക്ക് വേണ്ടിയുളളതാണ്. ജനങ്ങളെ അടിച്ചോടിക്കുന്ന വികസനമല്ല വേണ്ടതെന്നും അദ്ദേഹം പറഞ്ഞു.
കേരളത്തില്‍ നീര്‍ത്തടങ്ങളും മലകളും സംരക്ഷിച്ചു മാത്രമെ ഇനി വികസനം നടക്കുകയുളളുവെന്നും കുഞ്ഞാലിക്കുട്ടി കൂട്ടിച്ചേര്‍ത്തു. മൈത്രാന്‍ കായല്‍ ഉള്‍പ്പെടെയുള്ള വിഷയത്തില്‍ യുഡിഎഫ് സര്‍ക്കാര്‍ അവസാന സമയത്ത് കൊണ്ടുവന്ന നിലപാടുകള്‍ക്ക് എതിരാണ് കുഞ്ഞാലിക്കുട്ടിയുടെ പ്രസ്താവന.