കനത്ത മഴയ്ക്കിടെ നിയന്ത്രണം ലംഘിച്ച് കോഴിക്കോട്ട് ക്വാറി പ്രവർത്തനം; ദൃശ്യങ്ങൾ

കോഴിക്കോട്: നിയന്ത്രണം ലംഘിച്ച് കോഴിക്കോട്ട് ക്വാറി പ്രവർത്തനം കൂടരഞ്ഞി പഞ്ചായത്തിലെ കൂമ്പാറ മാതാളിയിലാണ് ക്വാറി പ്രവർത്തനം നടക്കുന്നത്.

ലോറിയിൽ ലോഡ് പുറത്തേക്ക് പോകുന്ന ദൃശ്യങ്ങൾ മീഡിയവണിന് ലഭിച്ചു.  ഇന്ന് രാവിലെ ലോഡുമായി നിരവധി തവണ ലോറി പുറത്തേക്ക് പോകുന്നതാണ് ദൃശ്യങ്ങളിലുള്ളത്. കനത്ത മഴ തുടരുന്നതിനാൽ ജില്ലയിൽ ക്വാറി പ്രവർത്തനത്തിന് നിരോധനം ഏർപ്പെടുത്തിയിരുന്നു.  ഒരുതരത്തിലുള്ള ക്വാറി പ്രവർത്തനം പാടില്ലെന്ന നിയന്ത്രണം ലംഘിച്ചാണ് പ്രവർത്തനം നടക്കുന്നത്.

അതേസമയം, കോഴിക്കോട് മലയോരമേഖലയിൽ ശക്തമായ മഴയാണ് രണ്ടുദിവസമായി പെയ്യുന്നത്. പലയിടത്തും ജാഗ്രതാ നിർദേശം നൽകിയിട്ടുണ്ട്. ഈ സമയത്താണ് ക്വാറി പ്രവർത്തനം നടക്കുന്നത്. സംഭവത്തെക്കുറിച്ച് അന്വേഷിക്കുമെന്ന് റവന്യുവകുപ്പ് ഉദ്യോഗസ്ഥർ അറിയിച്ചു.