കോട്ടയത്ത് വീണ്ടും തെരുവുനായ ആക്രമണം: ഇതുവരെ കടിയേറ്റത് അറുപതിലധികം ആളുകൾക്ക്‌

കോട്ടയം: കോട്ടയം വൈക്കത്ത് വീണ്ടും തെരുവ് നായ ആക്രമണം.വൈക്കം ആറാട്ട് കുളങ്ങരയിൽ ഒരാളെ തെരുവ് നായ കടിച്ചു. 

ഇന്നലെ തലയോലപ്പറമ്പിൽ ഒരു അധ്യാപികയ്ക്കും കടിയേറ്റിരുന്നു. വിജയപുരത്തും ചങ്ങനാശേരിയിലും ആളുകളെ കടിച്ച തെരുവ് നായക്ക് പേ വിഷബാധ സ്ഥിരീകരിച്ചിട്ടുണ്ട്. കഴിഞ്ഞ ഒരുമാസത്തിനിടെ ഏകദേശം അറുപതിലധികം ആളുകൾക്കാണ് കടിയേറ്റത്. സാഹചര്യം അതീവ ഗുരുതരമായതിനാൽ ഉടൻ നടപടിയെടുക്കണമെന്ന ആവശ്യം ശക്തമാണ്‌.