ഫലസ്തീനികളോടുള്ള അതിക്രമം; ഇസ്രയേലിനെ ഒരു പാഠം പഠിപ്പിക്കണമെന്ന് പുടിനോട്​ ഉർദുഗാൻ

ഫലസ്തീനികളോടുള്ള അതിക്രമത്തിനെതിരെ അന്താരാഷ്​ട്ര സമൂഹം ഇസ്രയേലിനെ ഒരു പാഠം പഠിപ്പിക്കണമെന്ന്​ തുർക്കി പ്രസിഡന്‍റ്​ റജബ് ത്വയ്യിബ്​ ഉർദുഗാൻ. ബുധനാഴ്ച റഷ്യൻ പ്രസിഡന്‍റ്​ വ്ലാദിമിർ പുടിനുമായുള്ള ടെലിഫോൺ സംഭാഷണത്തിലാണ്​ ഉർദുഗൻ ഇക്കാര്യം വ്യക്തമാക്കിയത്​. ​അധിനിവേശ കിഴക്കൻ ജറുസലേമിലും ഗാസ മുനമ്പിലും അക്രമങ്ങൾ വർധിക്കുന്നതിനിടയിലാണ് തുര്‍ക്കി പ്രസിഡന്‍റിന്‍റെ പ്രതികരണം. 

ഫലസ്തീനികളെ സംരക്ഷിക്കാൻ യു.എൻ സുരക്ഷാ സമിതി അതിവേഗം ഇടപെടണമെന്നും അദ്ദേഹം പുടിനോട്​ പറഞ്ഞതായി തുർക്കി പ്രസിഡൻഷ്യൽ കമ്മ്യൂണിക്കേഷൻസ് ഡയറക്ടറേറ്റ്​​ പുറത്തുവിട്ട പ്രസ്​താവനയിൽ പറയുന്നു. ഫലസ്തീനികളെ സംരക്ഷിക്കുന്നതിനുള്ള ഒരു അന്താരാഷ്ട്ര സംരക്ഷണ സേന എന്ന ആശയവും പരിഗണിക്കണമെന്ന് ഉർദുഗാൻ പുടിനോട് നിർദ്ദേശിച്ചതായും പ്രസ്താവനയിലുണ്ട്.

അതേസമയം, ഗാസക്ക്​ നേരെയുള്ള ഇസ്രായേൽ സൈന്യത്തി​ന്‍റെ ആക്രമണം ഇപ്പോഴും കെട്ടടങ്ങിയിട്ടില്ല. ബുധനാഴ്​ച്ച പുലർച്ചെ നൂറുകണക്കിന്​ മിസൈലുകൾ ഗാസയിലേക്ക്​ തൊടുത്തുവിട്ടതോടെ വ്യോ​മാ​ക്ര​മ​ണ​ത്തി​ൽ മ​രി​ച്ച ഫ​ല​സ്​​തീ​നി​ക​ളു​ടെ എ​ണ്ണം 43 ആ​യി ഉ​യ​ർ​ന്നു. ഇ​തി​ൽ 13 കു​ട്ടി​ക​ളും മൂ​ന്നു സ്ത്രീ​ക​ളും ഉ​ൾ​പ്പെ​ടും.

ഹ​മാ​സ്​ ന​ട​ത്തി​യ പ്ര​ത്യാ​ക്ര​മ​ണ​ത്തി​ൽ ആ​റ് ഇ​സ്രാ​യേ​ലി​ക​ളും കൊ​ല്ല​പ്പെ​ട്ട​താ​യി ബ​ന്ധ​പ്പെ​ട്ട വൃ​ത്ത​ങ്ങ​ൾ പ​റ​ഞ്ഞു. ഇസ്രായേൽ ആക്രമണത്തിൽ തങ്ങളുടെ ഗാസ സിറ്റി കമാർഡർ ബസ്സാം ഈസ കൊല്ലപ്പെട്ടതായി ഹമാസ്​ അറിയിച്ചു. തി​ങ്ക​ളാ​ഴ്ച ആ​രം​ഭി​ച്ച ആക്ര​മ​ണ​ത്തി​ൽ ഇ​തു​വ​രെ മു​ന്നൂ​റോ​ളം ഫ​ല​സ്തീ​നി​ക​ൾ​ക്ക് പ​രി​ക്കേ​റ്റി​ട്ടു​ണ്ട്.