ഗസ്സയിൽ പുതിയ വെടിനിർത്തൽ നിർദേശം മുന്നോട്ടുവെച്ച് മധ്യസ്ഥ രാജ്യങ്ങളായ ഈജിപ്തും ഖത്തറും

ഗസ്സസിറ്റി: ഇസ്രായേലിനും ഹമാസിനും മുന്നിൽ പുതിയ വെടിനിർത്തൽ നിർദേശം മുന്നോട്ടുവെച്ച്​ മധ്യസ്ഥ രാജ്യങ്ങളായ ഈജിപ്തും ഖത്തറും. ഇരുപക്ഷവും കൈറോയിൽ ചർച്ച നടത്തും. 

18 മാ​സ​മാ​യി ഗസ്സയിൽ തു​ട​രു​ന്ന ഇസ്രായേൽ ആ​ക്ര​മ​ണം അ​വ​സാ​നി​പ്പി​ക്കാ​ൻ ഖ​ത്ത​റും ഈ​ജി​പ്തും പു​തി​യ നി​ർ​ദേ​ശം ത​യാ​റാ​ക്കി​യ​താ​യാണ് റി​പ്പോ​ർ​ട്ട്. ബന്ദികളുടെ മോചനം, ഫലസ്തീൻ തടവുകാരെ വിട്ടയയ്ക്കൽ, ആക്രമണം അവസാനിപ്പിക്കൽ, സൈനിക പിൻമാറ്റം എന്നിവ ഉൾപ്പെടുന്നതാണ്​ നിർദേശം. ഏ​ഴു വ​ർ​ഷം വ​രെ നീ​ളു​ന്ന സ​മാ​ധാ​ന ഉ​ട​മ്പ​ടി നി​ർ​ദേ​ശം ച​ർ​ച്ച ചെ​യ്യാ​ൻ, ഖലീലുൽ ഹയ്യയുടെ നേതൃത്വത്തിലുള്ള ഹമാസ്​ സംഘം കൈറോയിലെത്തും.

ഇസ്രായേൽ സംഘം ഇതിനകം കൈറോയിൽ എത്തിയതായാണ്​ വിവരം. എന്നാൽ ഇതുസംബന്ധിച്ച്​ ഇസ്രായേലിന്‍റെ ഔദ്യോഗിക പ്രതികരണം വന്നിട്ടില്ല. അതേസമയം ഹ​മാ​സി​നെ പൂ​ർ​ണ​മാ​യും ​ഇല്ലാതാക്കുമെന്ന് ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു​ പറഞ്ഞു. എന്നാൽ ബന്ദികളെ തിരിച്ചെത്തിച്ച ശേഷം മതി ഹമാസിനെ ഇല്ലായ്മ ചെയ്യലെന്ന്​ പ്രതിപക്ഷ നേതാവ്​ യായിർ ലാപിഡ്​ പ്രതികരിച്ചു.

ഇസ്രായേൽ ആക്രമണത്തിൽ ഇന്നലെ മാത്രം 43 ഫലസ്തീനികൾ കൂടി കൊല്ലപ്പെട്ടു. ഇതിനിടെ ജറൂസലേമിലെ പശ്​ചിമ മലനിരകളിൽ രൂപപ്പെട്ട വൻ കാട്ടുതീ ഇസ്രായേലിന്​ പുതിയ വെല്ലുവിളിയായി. നൂറുകണക്കിന്​ അഗ്​നിശമന യൂണിറ്റുകള്‍ രണ്ടു ദിവസമായി പരിശ്രമിച്ചിട്ടും തീയണക്കാൻ കഴിഞ്ഞിട്ടില്ല. ജറൂസലേം, തെൽ അവീവ്​ ഹൈവേയിലേക്കും തീ പടരുന്നതായാണ്​ റിപ്പോർട്ട്​.