പുതിയ മസ്​കത്ത് അന്താരാഷ്​ട്ര വിമാനത്താവളത്തിന്റെ​ ഉദ്​ഘാടന തീയതി പ്രഖ്യാപിച്ചു

പുതിയ മസ്​കത്ത്​ അന്താരാഷ്​ട്ര വിമാനത്താവളത്തിന്റെ​ ഉദ്​ഘാടന തീയതി പ്രഖ്യാപിച്ചു. രാജ്യത്തെ വ്യോമയാന ചരിത്രത്തിലെ സുപ്രധാന നാഴികകല്ലായ വിമാനത്താവളം..

പുതിയ മസ്​കത്ത്​ അന്താരാഷ്​ട്ര വിമാനത്താവളത്തി​ന്റെ ഉദ്​ഘാടന തീയതി പ്രഖ്യാപിച്ചു. രാജ്യത്തെ വ്യോമയാന ചരിത്രത്തിലെ സുപ്രധാന നാഴികക്കല്ലായ വിമാനത്താവളം മാർച്ച്​ 20ന്​ പ്രവർത്തനമാരംഭിക്കുമെന്ന്​ ഗതാഗത വാർത്താവിനിമയ മന്ത്രി ഡോ. അഹമ്മദ്​ ബിൻ മുഹമ്മദ്​ അൽ ഫുതൈസി അറിയിച്ചു.

വ്യോമയാന മേഖലയടക്കം വിവിധ രംഗങ്ങളിലെ വളർച്ച കണക്കിലെടുക്കുമ്പോൾ ദേശീയ സമ്പദ്​ഘടനക്ക്​ പുതിയ വിമാനത്താവളം സുപ്രധാന മുതൽക്കൂട്ട്​ തന്നെയായിരിക്കുമെന്നും മന്ത്രി പ്രത്യാശിച്ചു. വിവിധ തലങ്ങളിൽ ആധുനിക സാങ്കേതികതയുടെ സഹായത്തോടെയുള്ള സേവനങ്ങൾ പുതിയ വിമാനത്താവളത്തിൽ യാത്രക്കാർക്കായി ഒരുക്കിയിട്ടുണ്ടെന്നും ഡോ.ഫുതൈസി അറിയിച്ചു. വിവിധ തലങ്ങളിലുള്ള പ്രവർത്തനക്ഷമതാ പരിശോധനകൾ നടന്നുകൊണ്ടിരിക്കുകയാണ്​. പത്ത്​ വിഭാഗങ്ങളിലായുള്ള 43 പ്രവർത്തനക്ഷമതാ പരിശോധനകളിൽ 32 എണ്ണം ഇതിനകം പൂർത്തിയാക്കി​. എല്ലാ സംവിധാനങ്ങളുടെയും പ്രവർത്തനക്ഷമത ഉറപ്പാക്കിയ ശേഷമുള്ള ബന്ധപ്പെട്ട അധികൃതരുടെ അന്തിമാനുമതി വൈകാതെ ലഭിക്കുമെന്ന്​ മന്ത്രി പറഞ്ഞു. 6200ഒാളം സന്നദ്ധ പ്രവർത്തകരുടെ സഹകരണത്തോടെയാണ്​ ഇതുവരെയുള്ള പരിശോധനകൾ നടത്തിയത്​.