കബാലി തരംഗം യുഎഇയിലും; ആദ്യ മൂന്ന് ദിവസത്തേക്ക് ഇനി ടിക്കറ്റില്ല
Update: 2018-05-25 18:23 GMT
റിലീസിന് മുന്‍പേ തിയേറ്ററുകള്‍ ഹൗസ്ഫുള്ളാക്കി രജനീകാന്തിന്റെ കബാലി യുഎഇയിലും ചരിത്രമെഴുതുകയാണ്.
റിലീസിന് മുന്‍പേ തിയേറ്ററുകള്‍ ഹൗസ്ഫുള്ളാക്കി രജനീകാന്തിന്റെ കബാലി യുഎഇയിലും ചരിത്രമെഴുതുകയാണ്. ഇന്ന് യുഎഇയില്‍ റിലീസ് ചെയ്യുന്ന ചിത്രത്തിന്റെ ടിക്കറ്റുകള്‍ അടുത്ത മൂന്ന് ദിവസത്തേക്ക് കിട്ടാനില്ല. ഓൺലൈന്‍ ബുക്കിങ്ങില്‍ ജംഗിള്‍ബുക്കിനെയും സുല്‍ത്താനെയും കബാലി മലര്‍ത്തി അടിച്ചു കഴിഞ്ഞു.
എത്തും മുന്‍പേ കബാലി ഞെരിപ്പാണെന്ന് തെളിയിച്ചു കഴിഞ്ഞു. സ്റ്റൈല്‍മന്നന്റെ ലേറ്റസ്റ്റ് സിനിമ ആദ്യം പ്രദര്‍ശിപ്പിക്കുന്ന ദുബൈ നഗരത്തില്‍ അടുത്ത മൂന്ന് ദിവസത്തേക്ക് കബാലി ഓൺലൈന്‍ വഴി ഹൗസ്ഫുള്ളായി കഴിഞ്ഞു. ആദ്യ ആഴ്ചയിലെ 400 പ്രദര്‍ശനങ്ങള്‍ക്കുള്ള ഒരു ലക്ഷം ടിക്കറ്റുകള്‍ ഇതിനകം മുന്‍കൂട്ടി ബുക്ക് ചെയ്തു കഴിഞ്ഞതായാണ് കണക്ക്. നോവോ സിനിമയുടെ തിയേറ്ററുകളില്‍ മാത്രം ബുക്കിംഗ് 40,000 പിന്നിട്ടതായി സിഇഒ സാലിം അല്‍ അസര്‍ പറഞ്ഞു. വോക്സ്, റിയല്‍ സിനിമാസ് തുടങ്ങിയ തിയേറ്റര്‍ ശൃംഖലകളുടെയും സ്ഥിതി വ്യത്യസ്തമല്ല.
നാട്ടില്‍ വെള്ളിയാഴ്ചയാണ് കബാലി എത്തുന്നതെങ്കില്‍ ഏതാണ്ട് 12 മണിക്കൂര്‍ മുന്‍പ് വ്യാഴാഴ്ച രാത്രി ദുബൈയിലാണ് കബാലിയുടെ ആദ്യപ്രദര്‍ശനം നടക്കുന്നത്. പ്രത്യേക പ്രദര്‍ശനവുമുണ്ട്. ഇങ്കെ അറബ് ഊരിലും നമ്മ തലൈവ താന്‍ സൂപ്പര്‍സ്റ്റാര്‍.