'ഒരേയൊരു രാജാവ്' ആകാൻ ചിരഞ്ജീവി; ലൂസിഫറിന്റെ തെലുങ്ക് പതിപ്പ് ചിത്രീകരണം ആരംഭിച്ചു

മോഹൻലാലിനെ നായകനാക്കി പൃഥ്വിരാജ് ആദ്യമായി സംവിധാനം ചെയ്ത ചിത്രം ലൂസിഫറിന്റെ തെലുങ്ക് പതിപ്പിന്റെ ചിത്രീകരണം ആരംഭിച്ചു. ചിത്രത്തിലെ ആക്ഷൻ രം​ഗങ്ങളുടെ ചിത്രീകരണത്തിനാണ് ഹൈദരാബാദിൽ തുടക്കമായത്. ലൂസിഫറിന്റെ സംഘട്ടനം സംവിധാനം ചെയ്ത സിൽവയാണ് തെലുങ്ക് പതിപ്പിലെയും സംഘട്ടന സംവിധായകൻ.

ചിരഞ്‍ജീവിയുടെ മകന്‍ രാം ചരണ്‍ ആണ് ചിത്രം നിര്‍മ്മിക്കുന്നത്. ജയം മോഹൻരാജയാണ് ചിത്രം സംവിധാനം ചെയ്യുന്നത്. നീരവ് ഷാ ആണ് ഛായാ​ഗ്രഹണം. എസ് തമൻ ആണ് സം​ഗീതം.

നയൻതാര ചിത്രത്തിൽ ചിരഞ്ജീവിയുടെ നായികയായെത്തുമെന്നാണ് റിപ്പോർട്ടുകൾ. ലൂസിഫർ വൻ വിജയമായതിന് പിന്നാലെയാണ് ചിരഞ്ജീവി ചിത്രത്തിന്റെ റീമേയ്ക്ക് അവകാശം സ്വന്തമാക്കിയത്.