‘കിഷ്കിന്ധാ കാണ്ഡം’ വിജയം ആഘോഷിക്കാന്‍ ആസിഫ് അലിയും അപര്‍ണാ ബാലമുരളിയും കോഴിക്കോട്

കോഴിക്കോട്: കിഷ്കിന്ധാ കാണ്ഡം വിജയം ആഘോഷിക്കാന്‍ ആസിഫ് അലിയും അപര്‍ണാ ബാലമുരളിയും കോഴിക്കോട്. ഓണച്ചിത്രമായി പുറത്തിറങ്ങിയ ദിന്‍ജിത്ത് അയ്യത്താന്‍ സംവിധാനം ചെയ്ത ആസിഫ് അലി ചിത്രം 'കിഷ്കിന്ധാ കാണ്ഡ’ ത്തിന് മികച്ച അഭിപ്രായമാണുള്ളത്. ഗുഡ്‌വിൽ എന്റെർറ്റൈൻമെന്റ്സിന്റെ ബാനറിൽ ജോബി ജോർജ്ജ് നിർമ്മിച്ച ചിത്രം മികച്ച ത്രില്ലര്‍ ആണെന്നാണ്‌ പ്രേക്ഷകാഭിപ്രായം.

ഇപ്പോഴിതാ ചിത്രത്തിന്റെ വിജയം ആഘോഷിക്കാനായി ചിത്രത്തിലെ താരങ്ങളായ ആസിഫ് അലിയും അപര്‍ണാ ബാലമുരളിയും കോഴിക്കോട് ഹൈലൈറ്റ് മാളില്‍ ഇന്ന് വൈകീട്ട് അഞ്ചു മണിക്ക് എത്തുന്നു. താരങ്ങള്‍ കിഷ്കിന്ധാ കാണ്ഡത്തിന്റെ പ്രേക്ഷകരെ കാണുകയും ചിത്രത്തിന്റെ വിജയം ആഘോഷിക്കുകയും ചെയ്യും.

‘കക്ഷി അമ്മിണിപ്പിള്ള' എന്ന ചിത്രത്തിന് ശേഷം ദിൻജിത്ത് അയ്യത്താന്റെ സംവിധാനത്തില്‍ പുറത്തിറങ്ങിയ ചിത്രത്തിന്റെ കഥ, തിരക്കഥ, സംഭാഷണം, ഛായാഗ്രഹണം എന്നിവ നിർവഹിച്ചിരിക്കുന്നത് ബാഹുൽ രമേഷ് ആണ്.

ചിത്രത്തിലെ മറ്റ് സുപ്രധാന വേഷങ്ങൾ കൈകാര്യം ചെയ്തിരിക്കുന്നത് വിജയരാഘവൻ, ജഗദീഷ്, അശോകൻ, നിഷാൻ, വൈഷ്ണവി രാജ്, മേജർ രവി, നിഴൽകൾ രവി, ഷെബിൻ ബെൻസൺ, കോട്ടയം രമേഷ്, ബിലാസ് ചന്ദ്രഹാസൻ, മാസ്റ്റർ ആരവ്, ജിബിൻ ഗോപിനാഥ്‌ തുടങ്ങിയവരാണ്.ചിത്രസംയോജനം: സൂരജ് ഇ.എസ്, സംഗീതം: മുജീബ് മജീദ്‌, വിതരണം: എന്റെർറ്റൈൻമെന്റ്സ്, ചീഫ് അസോസിയേറ്റ് ഡയറക്ടർ: ബോബി സത്യശീലൻ, കലാസംവിധാനം: സജീഷ് താമരശ്ശേരി, വസ്ത്രാലങ്കാരം: സമീറ സനീഷ്, മേക്കപ്പ്: റഷീദ് അഹമ്മദ്, പ്രോജക്റ്റ് ഡിസൈൻ: കാക്ക സ്റ്റോറീസ്, പ്രൊഡക്ഷൻ കൺട്രോളർ: രാജേഷ് മേനോൻ, സൗണ്ട് മിക്സ്: വിഷ്ണു സുജാതൻ, ഓഡിയോഗ്രഫി: രെൻജു രാജ് മാത്യു, ഡിജിറ്റൽ മാർക്കറ്റിംഗ്: പ്രവീൺ പൂക്കാടൻ, അരുൺ പൂക്കാടൻ (1000 ആരോസ്), പിആർഒ: ആതിര ദിൽജിത്ത്.