ഖത്തറില്‍ ഏറ്റവും കൂടുതല്‍ ആളുകളും ഉപയോഗിക്കുന്നത് മെട്രാഷ് 2 ആപ്ലിക്കേഷനെന്ന് പഠനം
Update: 2022-06-01 10:37 GMT
ഖത്തറില്‍ സ്വദേശികളും പ്രവാസികളുമായ ഭൂരിഭാഗം ആളുകളും ആഭ്യന്തര മന്ത്രാലയവുമായി ആശയവിനിമയം നടത്തുന്നതിനായി ഉപയോഗിക്കുന്നത് മെട്രാഷ് 2 ആപ്ലിക്കേഷനെന്ന് വിലയിരുത്തല്‍.
ആറായിരത്തോളം പേരില്‍ നടത്തിയ സര്‍വേയില്‍ 41 ശതമാനം പേരും ആശ്രയിക്കുന്നത് മെട്രാഷിനെയാണെന്നാണ് കണ്ടെത്തല്‍. പ്ലാറ്റ്‌ഫോമിന്റെ വിശ്വാസ്യതയാണ് ഇത് തെളിയിക്കുന്നതെന്ന് പഠനം പറയുന്നു. ട്രാഫിക്, വിസ, താമസം തുടങ്ങിയ ഒട്ടുമിക്ക സേവനങ്ങളും മെട്രാഷിലൂടെ ലഭ്യമാക്കിയതാണ് ആപ്ലിക്കേഷന്‍ ഇത്രയും ജനകീയമാവാന്‍ കാരണം.