ദുബൈ മെട്രോയുടെ പതിമൂന്നാം വാർഷികം; ആർ.ടി.എ റീൽ വീഡിയോ മത്സരം സംഘടിപ്പിക്കുന്നു

ദുബൈ മെട്രോയുടെ പതിമൂന്നാം വാർഷികത്തോടനുബന്ധിച്ച് ആർ.ടി.എ റീൽ വീഡിയോ മത്സരം സംഘടിപ്പിക്കുന്നു. മൊബൈലിൽ പകർത്തിയ നിങ്ങളുടെ ദുബൈ മെട്രോ യാത്രയുടെ 13 വീഡിയോകൾ റീലാക്കിയാണ് ഇൻസറ്റഗ്രാമിൽ പോസ്റ്റ് ചെയ്യേണ്ടത്.

#13JourneysToWin എന്ന ഹാഷ്ടാഗോടെയാണ് വീഡിയോ പോസ്റ്റ് ചെയ്യേണ്ടത്. കൂടാതെ, പോസ്റ്റില് @rta_du-ba-i എന്ന് മെൻഷൻ ചെയ്യുകയും വേണം. ഇതോടെ മാത്രമേ വീഡിയോകൾ മത്സരത്തിന് പരിഗണിക്കുകയൊള്ളു.

ദുബൈനഗരത്തിന്റെ വേഗത്തിനൊപ്പം കുതിച്ചുപായുന്ന ദുബൈ മെട്രോ 2009 സെപ്റ്റംബറിലാണ് ഔദ്യോഗികമായി ഓടിത്തുടങ്ങിയത്. പതിമൂന്ന് വർഷങ്ങൾക്കിപ്പുറം ഇന്ന്, നഗരത്തിന്റെ ഏറ്റവും പ്രധാനപ്പെട്ട പൊതുഗതാഗത സംവിധാനമായി മാറിയിരിക്കുകയാണ് ദുബൈ മെട്രോ.