പിണറായിക്കൊപ്പം റോഡ്ഷോയുമായി ഇന്നസെന്‍റ്
Update: 2017-05-25 17:35 GMT
പെരളശേരിയില്‍ നിന്നുമായിരുന്നു ധര്‍മടത്തെ ഇടതു മുന്നണി സ്ഥാനാര്‍ത്ഥി പിണറായി വിജയന്‍റെ റോഡ് ഷോ ആരംഭിച്ചത്. തുറന്ന വാഹനത്തില്‍ പിണറായിക്കൊപ്പം ഇന്നസെന്‍റും റോഡ് ഷോയില്‍ പങ്കെടുത്തു.
വി.ഐ.പി പോരാട്ടം നടക്കുന്ന ധര്‍മ്മടത്ത് ആവേശമായി സ്ഥാനാര്‍ത്ഥികളുടെ റോഡ് ഷോ. ഇന്നസെന്‍റ് എം.പിക്കൊപ്പമാണ് എല്‍.ഡി.എഫ് സ്ഥാനാര്‍ഥിയായ പിണറായി വിജയന്‍ റോ‍ഡോ ഷോയില്‍ പങ്കെടുത്തത്. യു.ഡി.എഫ് സ്ഥാനാര്‍ത്ഥിയായ മമ്പറം ദിവാകരന്‍റെ റോഡ് ഷോയും വോട്ടര്‍മാരെ കൈയിലെടുത്തു.
പെരളശേരിയില്‍ നിന്നുമായിരുന്നു ധര്‍മടത്തെ ഇടതു മുന്നണി സ്ഥാനാര്‍ത്ഥി പിണറായി വിജയന്‍റെ റോഡ് ഷോ ആരംഭിച്ചത്. തുറന്ന വാഹനത്തില്‍ പിണറായിക്കൊപ്പം ഇന്നസെന്‍റും റോഡ് ഷോയില്‍ പങ്കെടുത്തു. നൂറു കണക്കിന് പ്രവര്‍ത്തകരാണ് വാദ്യ ഘോഷത്തിന്‍റെ അകമ്പടിയോടെ റോഡ് ഷോ കൊഴുപ്പിച്ചത്. ഇടതു കോട്ടയിലെ നിരത്തുകള്‍ ഇതോടെ ചുവപ്പണിഞ്ഞു.
റോഡിനിരുവശത്തും അണിനിരന്ന ജനങ്ങളെ കൈയിലെടുത്ത റോഡ് ഷോ മണിക്കൂറുകള്‍ നീണ്ടു നിന്നു. യു.ഡി.എഫ് സ്ഥാനാര്‍ത്ഥി മമ്പറം ദിവാകരന്‍റെ റോഡ് ഷോ ചിറക്കുനിയില്‍ നിന്നുമാണ് ആരംഭിച്ചത്. പ്രചാരണം അവസാന മണിക്കൂറുകളിലേക്ക് കടക്കുമ്പോള്‍ ആവേശം വാനോളമുയരുകയാണ്.