130 കോടിയുടെ വായ്പ വാഗ്ദാനം ചെയ്ത് പ്രമുഖ നടിയിൽ നിന്ന് 37 ലക്ഷം തട്ടിയ കൊൽക്കത്ത സ്വദേശി അറസ്റ്റിൽ

കൊച്ചി: കൊച്ചിയിൽ 130 കോടിയുടെ വായ്പ വാഗ്ദാനം ചെയ്ത് പ്രമുഖ നടിയിൽ നിന്ന് 37 ലക്ഷം തട്ടിയ കൊൽക്കത്ത സ്വദേശി അറസ്റ്റിൽ. കൊൽക്കത്ത സ്വദേശി യാസർ ഇക്ബാലിനെയാണ് പാലാരിവട്ടം പൊലീസ് അറസ്റ്റ് ചെയ്തത്. 130 കോടിയുടെ വായ്പ വാഗ്ദാനം ചെയ്ത ശേഷം കൊച്ചിയിലെ സ്വകാര്യ ഹോട്ടലിൽ വച്ചാണ് ഇയാൾ നടിയിൽ നിന്നും 37 ലക്ഷം കൈപ്പറ്റിയത്.

പണം നൽകിയിട്ടും വായ്പ ലഭിക്കാത്തതിനെ തുടർന്നാണ് നടി പാലാരിവട്ടം പൊലീസിൽ പരാതി നൽകിയത്. കൊൽക്കത്തയിലെ ഫ്ലാറ്റിൽ നിന്നാണ് പ്രതിയെ പൊലീസ് പിടികൂടിയത്.