കെ.എസ്.യു പ്രവർത്തകർക്ക് നേരെ കയ്യേറ്റം; പ്രിൻസിപ്പലിനെ അന്വേഷണവിധേയമായി സസ്പെൻഡ് ചെയ്തു
കെ.എസ്.യു. പ്രവർത്തകരുടെ പരാതിയിൽ പ്രിൻസിപ്പലിനെതിരെ പൊലീസ് കേസെടുത്തു
Update: 2023-11-07 13:24 GMT
മാനന്തവാടി: വയനാട് നടവയൽ സി.എം കോളജിൽ പ്രിൻസിപ്പലും കെ.എസ്.യു. പ്രവർത്തകരും തമ്മിലുണ്ടായ സംഘർഷത്തിൽ പൊലീസ് കേസെടുത്തു. കെ.എസ്.യു. പ്രവർത്തകരുടെ പരാതിയിലാണ് കേസ്.
വിവിധ വകുപ്പുകൾ ചുമത്തിയാണ് ഡോ. എ.പി. ഷെരീഫിനെതിരെ പനമരം പൊലീസ് കേസെടുത്തത്. സംഭവത്തിൽ പ്രിൻസിപ്പലിനെ അന്വേഷണവിധേയമായി സസ്പെൻഡ് ചെയ്തതായും കോളജ് അധികൃതർ അറിയിച്ചു.
വിദ്യാഭ്യാസ ബന്ദിനിടെ ക്ലാസ് നടത്തിയതുമായി ബന്ധപ്പെട്ട് കെ.എസ്.യു. പ്രവർത്തകരും പ്രിൻസിപ്പലും തമ്മിൽ സംഘർഷം ഉണ്ടാവുകയും പ്രിൻസിപ്പൽ കെ.എസ്.യു. പ്രവർത്തകരെ കയ്യേറ്റം ചെയ്യുകയുമായിരുന്നു.