കഴക്കൂട്ടത്ത് കാറും ബൈക്കും കൂട്ടിയിടിച്ച് യുവാവ് മരിച്ചു

തിരുവനന്തപുരം: കഴക്കൂട്ടം ചന്തവിളയിൽ കാറും ബൈക്കും കൂട്ടിയിടിച്ച് ബൈക്ക് യാത്രക്കാരനായ യുവാവ് മരിച്ചു. വെഞ്ഞാറമൂട് ആലിയാട് സ്വദേശി വിഷ്ണു (24) ആണ് മരിച്ചത്.കഴക്കൂട്ടം സൈനിക സ്‌ക്കൂളിനു സമീപമായിരുന്നു അപകടം.

ചന്തവിളയിൽ നിന്നും കഴക്കൂട്ടത്തേക്ക് പോയ കാറും എതിർ ദിശയിൽ വരികയായിരുന്ന ബൈക്കും തമ്മിലാണ് ഇടിച്ചത്. അമിത വേഗതയിലായിരിന്ന ബൈക്ക് കാറിലിടിച്ച് തെറിച്ച് വീണതിന് ശേഷം  കത്തുകയായിരുന്നു.