നെടുമങ്ങാട് പൊലീസുകാർക്ക് നേരെ ​ഗുണ്ടാ ആക്രമണം; മൂന്ന് പൊലീസുകാർക്ക് പരിക്ക്

തിരുവനന്തപുരം: നെടുമങ്ങാട് പൊലീസുകാരെ ആക്രമിച്ച് ഗുണ്ടാസംഘം. ആക്രമണത്തിൽ നെടുമങ്ങാട് സ്റ്റേഷനിലെ രണ്ട് എസ്ഐമാർക്കും ഒരു സിവിൽ പൊലീസ് ഓഫീസർക്കും പരിക്കേറ്റു. കരിപ്പൂർ സ്വദേശി അനീഷിൻ്റെ നേതൃത്വത്തിലായിരുന്നു ആക്രമണം. രാത്രി 9 മണിയോടുകൂടിയായിരുന്നു സംഭവം. 

അനീഷിൻ്റെ സഹോദരിപുത്രൻ്റെ ബർത്ത്ഡേ പാർട്ടിക്ക് ഗുണ്ടകൾ ഒത്തുകൂടിയിരുന്നു. ഇത് അറിഞ്ഞെത്തിയ പൊലീസുകാർക്ക് നേരെയായിരുന്നു ആക്രമണം. അനീഷ് ഉൾപ്പെടെ എട്ട് പേരെ പൊലീസ് കസ്റ്റഡിയിലെടുത്തു. കാപ്പാ കേസ് പ്രതി കൂടിയാണ് അനീഷ്.